ဓနုတိုင်းရင်းသားလူမျိုးများ ဒီမိုကရေစီပါတီ

၁။ ဥက္ကဋ္ဌ - ဦးမြသန်း။

၂။ ပါတီဝင်အရေအတွက် - သုံးသောင်းခန့်။

၃။ မဲဆန္ဒနယ်- တောင်ကြီး၊ ကလော၊ ရွာငံ၊ ရပ်စောက်၊ ပင်းတယ၊ နောင်ချို စသည့်မြို့နယ်များတွင် ပြည်သူ့လွှတ်တော်အတွက် ငါးဦး၊ အမျိုးသားလွှတ်တော်သုံးဦးနှင့် ပြည်နယ် လွှတ်တော် ၁၀ ဦး ဝင်ရောက်ယှဉ်ပြိုင်မည်။

၎။ ပါတီမူဝါဒ- စစ်မှန်သည့် ဒီမိုကရေစီအခွင့်အရေးရရှိရန်၊ ရရှိလာသည့် အခွင့်အရေးသည် တိုင်းရင်းသားတိုင်းနှင့် နယ်မြေဒေသတိုင်းအတွက်ဖြစ်ရန်၊ တရားဥပဒေစိုးမိုး မှုရှိရန်၊ အခြားညီနောင်တိုင်းရင်းသားများနှင့် အေးအတူပူအမျှဆောင်ရွက်လုပ်ကိုင်ကြရန်။ ဖက်ဒရယ် ပြည်ထောင်စုစနစ်ပေါ်ထွန်းလာရန်။

၅။ ပါတီဆောင်ပုဒ်- တန်းတူညီမျှဖြစ်စေရန်။

၆။ ကိုယ်စားလှယ်လောင်းရွေးချယ်မှုသတ်မှတ်ချက် - မိမိနယ်မြေဒေသတွင်ရှိသည့် တိုင်းရင်းသားညီအစ်ကိုအားလုံးနှင့် ဒေသဖွံ့ဖြိုးတိုးတက်အောင် ဆောင်ရွက်ရန် ပြင်း ပြသောဆန္ဒရှိပြီး အရည်အချင်းရှိသည့် ပုဂ္ဂိုလ်၊ ထိုက်သင့်သည့် ပညာအရည်အချင်း၊ ထိုက်သင့်သည့် နိုင်ငံရေးအတွေ့အကြုံရှိကာ ပါတီတွင်း ရွေးကောက်ပွဲမတိုင်မီ ပါတီဝင်သက်တမ်း ခြောက်လထက်မနည်း ရှိရမည်။ ထိုက်သင့်သည့် စီးပွားရေးရှိရမည်။

၇။ ပါတီရန်ပုံငွေ− ပါတီဝင်များ၏ ထည့်ဝင်ငွေနှင့် အလှူရှင်များ၏ လှူဒါန်းငွေဖြင့် ရပ်တည်နေသည်။

၈။ ပါတီနောက်ခံသမိုင်း- ၂၀၁၂ ဇူလိုင် ၃ ရက်တွင် စတင်တည်ထောင်သည်။

ပါတီ၏ ပြောရေးဆိုခွင့်ရှိသူ အတွင်းရေးမှူး ဦးကျော်ဇော်နှင့် အမေးအဖြေ


လွှတ်တော်ထဲရောက်ခဲ့ရင် အခြေခံဥပဒေပြင်ဆင်ဖို့ ဘယ်လိုမျိုးစွမ်းဆောင်နိုင်မလဲ။
အခြေခံဥပဒေပြင်ဆင်ရေးဆိုတာထက်ကို အလုံးစုံပြင်ဆင်ဖို့ မဟုတ်ပေမယ့် ကျွန်တော်တို့တိုင်းပြည်ကောင်းစားရေးအတွက်ပဲ စဉ်း စားပါတယ်။ ပြောင်းလဲလာတဲ့ ခေတ်စနစ်နဲ့အညီ တိုင်းပြည်အတွက် မလိုလားအပ်တော့ဘူးဆိုတဲ့ ဥပဒေတွေကိုတော့ ပြင်ဆင်ဖို့ ရည်ရွယ် ချက်ထားပြီးသားပါ။

လွှတ်တော်ထဲရောက်ရင် ပြည်တွင်းငြိမ်းချမ်းရေး ဖော်ဆောင်ရေးမှာ ဘယ်လောက်ထိ ကူညီပေးနိုင်မယ်လို့ ယုံကြည်သလဲ။
ကျွန်တော်တို့အနေနဲ့က တောင်ပေါ်တိုင်းရင်းသားဒေသဖြစ်တဲ့ အခါ ငြိမ်းချမ်းရေးမရှိတဲ့ နယ်မြေဒေသတွေမှာ ဆိုးကျိုးအကြောင်းတရား တွေကို ကိုယ်တိုင်ကြုံတွေ့ခဲ့ရပြီးပြီဆိုတော့ ငြိမ်းချမ်းရေးကိစ္စနဲ့ပတ်သက် လာရင် တိုင်းရင်းသားညီအစ်ကိုတွေအားလုံး ညီမျှတဲ့ အခွင့်အရေးတွေ နဲ့ တိုင်းပြည်ဖွံ့ဖြိုးတိုးတက်ရေးကိစ္စတွေ လိုအပ်တယ်။ အဲဒါကြောင့် ငြိမ်းချမ်းရေးနဲ့ပတ်သက်လာရင် အားနဲ့အင်နဲ့ ပါဝင်ဖို့ သန္နိဋ္ဌာန်ချထား ပါတယ်။

ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
ပြည်သူတွေ ဝင်ငွေ၊ ထွက်ငွေ မျှတဖို့ဆိုတာ တိုင်းပြည်ရဲ့ ဖွံ့ဖြိုးတိုး တက်မှုအပေါ်မှာ မူတည်တယ်။ တိုင်းပြည်ဖွံ့ဖြိုးတိုးတက်မှုအပေါ် မူတည်လို့ ဖွံ့ဖြိုးတိုးတက်မှုကို အဓိကထားကြိုးစားဆောင်ရွက်ရမှာဖြစ်တယ်။ တိုင်းပြည်ဖွံ့ဖြိုးတိုးတက်လာတာနဲ့အမျှ ပြည်သူလူထုဘဝ တိုးတက်လာမယ်။

ပြည်သူတွေက ဓနုတိုင်းရင်းသားလူမျိုးများ ဒီမိုကရေစီပါတီကို ဘာ ကြောင့် မဲပေးသင့်သလဲ။
ပင်းတယ၊ ရွာငံ၊ ရပ်စောက်၊ ကလော၊ တောင်ကြီးဆိုတာ ဓနုလူ မျိုးက လူဦးရေအားဖြင့် တော်တော်များများ စုစည်းနေထိုင်ကြလို့ ဓနု ဒေသလို့ ခေါ်ရမှာဖြစ်တယ်။ အခြေခံဖွဲ့စည်းပုံအရ ကိုယ်ပိုင်အုပ်ချုပ်ခွင့် ရ ဒေသရခဲ့တာရှိတယ်။ ကိုယ်ပိုင်အုပ်ချုပ်ခွင့်ဆိုတဲ့ အခြေခံဥပဒေမှာပါ တဲ့ တိုင်းရင်းသားတွေရဲ့ အခွင့်အရေးအရ ဓနုလူမျိုးများကို အခြေခံပြီး ဖွဲ့စည်းထားတဲ့ နယ်မြေဒေသခံပါတီကသာ အာဏာရသင့်တယ်လို့ ခံယူ ထားတယ်။ ဖက်ဒရယ်စနစ်ကို ကျင့်သုံးမယ်ဆိုတော့ ကိုယ်ပိုင်ပြဋ္ဌာန်း ခွင့်၊ ကိုယ်ပိုင်လွတ်လပ်ခွင့်ဆိုတဲ့ ဖက်ဒရယ်ပြည်ထောင်စုစနစ်ကို လို လားတာနဲ့အမျှ ဓနုလူမျိုးတွေက တိုင်းရင်းသားတစ်ခုအနေနဲ့ အမိမြန်မာ နိုင်ငံထဲက လုံးဝခွဲထွက်ခြင်းမပြုဘဲနဲ့ အတူတူနေထိုင်ကြမယ် သန္နိဋ္ဌာန် ချထားတဲ့အတွက် ကိုယ့်ဒေသကို အခြေခံဖွဲ့ထားတဲ့ နိုင်ငံရေးပါတီကပဲ ကိုယ့်ဒေသဖွံ့ဖြိုးတိုးတက်အောင် လုပ်တဲ့အခါ ဒီအိမ်မှာရှိတဲ့သူတွေ အားလုံးမှာ တာဝန်ရှိတဲ့အတွက် ဓနုတိုင်းရင်းသားအားလုံးဟာ ဓနုပါတီ ကို ပူးပေါင်းပါဝင်ပြီးတော့ မဲထည့်ကြဖို့ လိုတာဖြစ်တယ်။

သမ္မတလောင်းရွေးချယ်ခွင့်ရှိရင် ဘယ်လိုပုဂ္ဂိုလ်မျိုးကို ရွေးချယ်မလဲ။
မြန်မာတစ်နိုင်ငံလုံးမှာ နေထိုင်ကြတဲ့ တိုင်းရင်းသားတွေရဲ့ အကျိုး စီးပွားအတွက် အမှန်တကယ်စိတ်ရင်းစေတနာအမှန်နဲ့ ဆောင်ရွက်လုပ် ကိုင်နိုင်စွမ်းရှိတဲ့ ပုဂ္ဂိုလ်တွေကိုသာ ရွေးချယ်သင့်တယ်လို့ သတ်မှတ် ထားတယ်။

ပါတီ ဗဟိုကော်မတီ အတွင်းရေးမှူး (၁)

ဦးကျော်ဇော်၏ ကိုယ်ရေးအကျဉ်း

အသက်- (၆၀)နှစ်။

ပညာအရည်အချင်း - ရန်ကုန် ဝိဇ္ဇာသိပ္ပံတက္ကသိုလ်မှ ၁၉၈၂ တွင် ဘူမိဗေဒအထူးပြုဘာသာဖြင့် ဘွဲ့ရရှိခဲ့။

လက်ရှိအလုပ်အကိုင်- ကုန်သည်။

နိုင်ငံရေးဖြတ်သန်းမှု အတွေ့အကြုံ- ၂၀၁၀ နောက်ပိုင်းမှ စတင်ပြီး နိုင်ငံ ရေးလောကထဲ ဝင်ရောက်ခဲ့။

စံပြပုဂ္ဂိုလ်- မရှိ။

ဆက်သွယ်ရန် လိပ်စာ၊ ဖုန်းနံပါတ်- ရှမ်းရပ်ကွက်၊ ပင်းတယမြို့၊ ဖုန်း- ၀၉-၈၃၅၇၀၇၁။

http://www.7daydaily.com/

Share on Google Plus

About Kyauk Phru Net

This is a short description in the author block about the author. You edit it by entering text in the "Biographical Info" field in the user admin panel.