မြောက်ဦးမြို့သည် မြောက်ဦး မင်းဆက်ကို စတင်ခဲ့သော မင်းစောမွန်က စတင် တည်ထောင်ခဲ့သည်ဟု ဆိုသည်။ ကု လားတန်မြစ်နှင့် လေးမြို့မြစ်ကြား၊ တောင် ကြော၊ တောင်စွယ်များကို နောက်ခံထား လျက် မဟာဗျူဟာကျကျ တည်ထား၏။ ၁၈ ရာစုတွင် ဘင်္ဂလားပင်လယ်အော်၏ အ ရေးအပါဆုံး ဆိပ်ကမ်းတစ်ခု ဖြစ်ခဲ့သည်။ ပေါ်တူဂီ၊ နယ်သာလန်၊ အင်းဝ၊ ပဲခူး၊ အာ ရေဗီးယား၊ ပါရှား၊ အိန္ဒိယတို့နှင့် ဆန်စပါး၊ ချည်မျှင်၊ ပတ္တမြား၊ ဆင်၊ ကျေးကျွန်၊ မြင်း၊ ဆင်စွယ်နှင့် ဟင်းခတ်အမွှေးအကြိုင်များ ကုန်သွယ်ခဲ့ပြီး အာရှ၌ အချမ်းသာဆုံး မြို့ များစာရင်းတွင် ထိပ်တန်းမှ ရှိခဲ့သည်ဟု အင်္ဂလိပ်၊ အီတလီ၊ ပေါ်တူဂီနိုင်ငံသားတို့၏ မှတ်တမ်းများအရ သိရ၏။
မြောက်ဦးခေတ် ခေတ်ကောင်း ချိန်တွင် ယခုလက်ရှိ ရခိုင်ပြည်နယ်၊ မြန်မာ ပြည်အောက်ပိုင်းနှင့် ဘင်္ဂလားဒေ့ရ်ှနိုင်ငံ ထက်ဝက်ကျော်ခန့်အထိ အာဏာစက် သက် ရောက်ခဲ့သည်ဟုလည်း သမိုင်းလေ့လာသူ များက ဆိုသည်။
ရခိုင်ပြည်နယ်တစ်ဝန်း ခေတ် အဆက်ဆက်၊ မင်းအဆက်ဆက် ဘုရားစေ တီများ တည်ထားကိုးကွယ်ခဲ့ကြရာ ''သဇင် ပန်းခိုင်တမြိုင်မြိုင် ရခိုင်ဘုရားပေါင်း''ဟု ဆိုရိုးရှိခဲ့ပြီး မြောက်ဦးမြို့တွင် လက်ညှိုးညွှန် မလွဲ စေတီပုထိုးနှင့် သမိုင်းအမွေအနှစ်များ ကျန်ရစ်သည်။ ယနေ့တိုင် ထင်ရှားလျက် ရှိသော အမွေအနှစ်များမှာ သျှစ်သောင်း ပုထိုးတော်ကြီး၊ ထုက္ကံသိမ် ပုထိုးတော်ကြီး၊ ကိုးသောင်း ပုထိုးတော်ကြီး၊ အံတော်သိမ်၊ လေးမျက်နှာပုထိုးတော်ကြီး၊ မာန်ငါးပါး(မင်္ဂ လာမာန်အောင်၊ ရတနာမာန်အောင်၊ သကျ မာန်အောင်၊ လောကမာန်အောင်၊ ဇိနမာန် အောင်)စေတီများ၊ စန္ဒာ့မုနိရုပ်ပွားတော်၊ ဗန္ဓုလကျောင်းတို့ ဖြစ်ကြသည်။
သျှစ်သောင်းပုထိုးတော်ကြီးကို ရခိုင်ဘုရင် မင်းဗာလက်ထက်တွင် ဘုရား ရုပ်ပွားတော်ပေါင်း ရှစ်သောင်းဖြင့် တည် ထားကိုးကွယ်ခဲ့သည်။ ပေါ်တူဂီရန်ကို အောင် နိုင်သော အထိမ်းအမှတ်ဖြင့် ရန်အောင်ဇေ ယျပုထိုးတော်ကြီးဟုလည်း ခေါ်တွင်ကြောင်း သိရသည်။ ရုပ်ပွားတော်ပေါင်း ရှစ်သောင်း အပြင် ဘုရားရှင်၏ ရှေးဘဝဖြစ်စဉ် ရုပ်ြ<ွက များလည်း များစွာ ထုလုပ်ပူဇော်ထားသည် ကို တွေ့ရှိရသည်။ ဘုရားဖူးမြော်ပြီးပါက ညနေ နေဝင်အလှကို ပုထိုးတော်ကြီးပေါ် မှ ခံစားနိုင်သည်။ ထုက္ကံသိမ် ပုထိုးတော်ကြီး သည် ညနေ နေရောင်နောက်ခံဖြင့် ခမ်း နား သပ္ပာယ်လှသည်။
မာန်ငါးမာန်ဟုခေါ်သော သကျ မာန်အောင်စေတီကို ၁၆၂၉ ခုနှစ်တွင် သီရိ သုဓမ္မ ရာဇာမင်းကလည်းကောင်း၊ ဇိနမာန် အောင်စေတီ၊ ရတနာ့မာန်အောင်နှင့် လော ကမာန်အောင် စေတီတို့ကို ၁၆၅၈ တွင် စန္ဒာသုဓမ္မရာဇာမင်းကလည်းကောင်း၊ မင်္ဂ လာမာန်အောင်စေတီကို စန္ဒာသုဓမ္မရာဇာ ၏အရိုက်အရာကိုခံယူသော သားတော် ဥဂ္ဂါ ဗလမင်းကလည်းကောင်း အသီးသီး တည် ထား ကိုးကွယ်ခဲ့ကြသည်။
ကိုးသောင်းပုထိုးတော်ကြီးမှာ မင်းဗာဘုရင်၏သားတော် မင်းတိက္ခာက စေတီပေါင်း ကိုးသောင်းဖြင့် တည်ထားခဲ့ ခြင်းဖြစ်သည်။ ပုထိုးတော်ကြီး တည်ဆဲအ ချိန်နှင့် ထီးတော်တင်စဉ်ကပင် မိုးကြိုးများထိ သောကြောင့် ယနေ့တိုင် အပြီးသတ်ဆောက် လုပ်နိုင်ခြင်း မရှိခဲ့ဟု ဆိုကြသည်။
လေးမျက်နှာပုထိုးတော်ကြီးသည် ထုက္ကံသိမ် ပုထိုးတော်ကြီးအနီးတွင် တည် ရှိပြီး မင်းစောမွန်ဘုရင် တည်ထားခဲ့သည်။ မုခ်လေးခုမှာ အရပ်လေးမျက်နှာသို့ မျက်နှာ မူ တည်ဆောက်ထားခြင်းကြောင့် လေးမျက် နှာဘုရားဟုလည်းကောင်း၊ မုခ်ဝ လေးခုရှိ သောကြောင့် မုခ်လေးတန်ဘုရားဟုလည်း ကောင်း ခေါ်ကြသည်။
မြတ်ဗုဒ္ဓ၏ အံတော်တည်ရှိရာ ဗန္ဓုလကျောင်းတော်၊ စန္ဒာ့မုနိရုပ်ပွားတော် နှင့်အတူ သမိုင်းဝင် ရှေးဟောင်းဗုဒ္ဓဆင်း တုတော်များ၊ ဒင်္ဂါးအစရှိသည့် ရှေးဟောင်း ပစ္စည်းအမျိုးမျိုးတို့ကိုလည်း မြောက်ဦး ပြ တိုက်တွင် လေ့လာနိုင်ပါသည်။
မြောက်ဦးသို့ သွားရောက်လေ့ လာလိုသူများအတွက် ဆိုင်ကယ်ဖြင့် ဖြစ် စေ၊ ဂျစ်ကားများဖြင့်ဖြစ်စေ သွားရောက် လေ့လာနိုင်သည်။ နန်းတော်ကုန်းပေါ်က ရတနာခန်းမဆောင် ရှိခဲ့ဖူးတဲ့ နေရာပေါ် တွင် ရှေးဟောင်းသုတေသနပြတိုက် တည် ရှိပြီး ပြတိုက်ထဲတွင် ပြသထားတဲ့ ရခိုင်ရှေး ယဉ်ကျေးမှုလက်ရာများကို ဆက်လက် လေ့ လာနိုင်သည်။ ပြတိုက်ထဲတွင် ရှေးရခိုင်တို့ ၏ ကျောက်ဆစ်လက်ရာ၊ မြောက်ဦးခေတ် လက်ရြာေ<ွကထည်များ၊ ရှေးခေတ်အမြောက် များ၊ ရှေးခေတ်တူရိယာပစ္စည်းများ၊ ရှေးခေတ် စဥ့်ရည်သုတ်အိုးများ၊ ဝေသာလီခေတ်၊ လေး မြို့ခေတ်၊ မြောက်ဦးခေတ် ဆင်းတုတော် များ၊ ရှေးရခိုင်ဒင်္ဂါးများ၊ အုတ်ခွက်ဘုရား များ စသည့် ရှေးဟောင်းလက်ရာများကို လေ့လာတွေ့ရှိရသည်။
စတုရန်းမိုင် ၁ ဒသမ ၂ မိုင်ကျယ် ဝန်းပြီး အမြင့်ပေ ၅ဝ ခန့်ရှိသည့် မြောက် ဦးနန်းတော်သည် ကျောက်တံတိုင်း သုံးထပ် ကာရံထားသည်။ နန်းမြို့ရိုး သုံးထပ်စလုံး ကို အုတ်မသုံးဘဲ နှစ်ပေမှ သုံးပေခန့်ကြီးမား တဲ့ သဲကျောက်အညိုရောင်များကို သုံးထား တာ တွေ့ရသည်။ အချို့နေရာများမှာ ခြောက် ပေခန့်ကြီးမားတဲ့ ကျောက်တုံးကြီးများကိုပင် တွေ့ရသည်။ နန်းတော်ကြီးအတွင်းထဲတွင် ရွှေနန်းကိုးဆောင်၊ မြေနန်းဆောင်များ၊ ပရိတ် ဆောင်၊ မှန်နန်းဆောင်၊ နိဗ္ဗာန်ဆောင်၊ ဗြဲ တိုက်ဆောင်၊ မြောက်စမုတ်ဆောင်၊ တောင် စမုတ်ဆောင်၊ ပွဲတော်ဆောင်၊ လွှတ်တော် ရုံးများ၊ ဘိသိက်သွန်းသည့် ရေကြည်တော် များရှိရာ နံ့သာကန်၊ ဗဟိုရ်စည်တော်၊ နက္ခတ် ရုံ၊ ပန်းခုံတော်၊ လက်နက်တော်တိုက် စသည် တို့နဲ့ ဖွဲ့စည်းထားခဲ့ကြောင်း သိရသည်။
အရှေ့ဘက်တွင် သစ်မွှေးဖြင့် ဆောက်လုပ်ခဲ့သော စန္ဒကူးဆောင်တော် လည်းရှိခဲ့ပြီး မြောက်ဖက်မှာ ဆင်ဖြူတော် ကုန်းနဲ့ မိဖုရားတို့ရဲ့ အဆောင်တော်များ တည်ရှိပြီး နန်းတော်ရဲ့ တောင်ဘက်မှာတော့ လှေတော်များ ဆိုက်ကပ်ရပ်နားရာ သိင်္ဂနဒီ ချောင်းရှိခဲ့ကြောင်းနှင့် ရှေးရခိုင်ခေတ်မှာ ဆင်တပ်၊ မြင်းတပ်များလည်း ရှိခဲ့ပြီး မြစ် ချောင်းပေါများလှတာကြောင့် လှေကိုလည်း အများဆုံး အသုံးပြုခဲ့ကြကြောင်း သိရသည်။
အေဒီ ၁၄၃ဝ မှ ၁၇၈၄ အထိ မြောက်ဦးမြို့ကို စိုးစံခဲ့ကြတဲ့ မြောက်ဦးခေတ် ဘုရင်နန်းဆက်ဟာ ပထမမြောက်ဦးခေတ် မှာ မင်းဆက် ၁၂ ဆက်၊ ဒုတိယမြောက်ဦး ခေတ်မှာ မင်းဆက်ကိုးဆက်၊ တတိယမြောက် ဦးခေတ်မှာ မင်းဆက်ပေါင်း ၂၈ ဆက် ရှိ တယ်လို့ ရခိုင်ရာဇဝင်များမှ လေ့လာမှတ် သားရပါသည်။
ယင်းမင်းဆက်များထဲတွင် ဘုန်း လက်ရုံးနဲ့ ပြည့်စုံသည့် မင်းများပါဝင်ခဲ့ပြီး ရခိုင်ပြည်ကို ကြီးကျယ်စည်ကားအောင် ကြံ ဆောင်နိုင်ခဲ့ကာ ဘင်္ဂလား၊ စစ်တကောင်း မြို့များကိုပါ အောင်နိုင်ခဲ့သူများ ပါဝင်ခဲ့ပါ သည်။ အနုပညာ၊ သမိုင်းလက်ရာတန်ဖိုး များ ကြီးမားလှသည့် စေတီပုထိုးကြီးများ နှင့် ဘုရားပေါင်းများစွာတို့ကိုလည်း တည် ထားနိုင်ခဲ့ပါသည်။ ရခိုင် မြောက်ဦးမြို့၏ နောက်ဆုံးမင်းဖြစ်သူ အေဒီ ၁၇၈၄ ခု၊ မ ဟာသမ္မတရာဇာမင်းလက်ထက်မှာ အမရ ပူရမြို့နန်းစံ ဘိုးတော်ဗဒုံမင်းက လာရောက် တိုက်ခိုက် သိမ်းပိုက်ပြီးနောက်မှာ မြောက် ဦးနန်းဆက် ပျောက်ကွယ်သွားခဲ့သည်။
မြောက်ဦးမြို့သို့ ကုန်းလမ်း၊ ရေ လမ်းများမှတစ်ဆင့် သွားရောက်နိုင်သည်။ ရန်ကုန်မှ လေကြောင်းခရီးဖြင့် သွားရောက် လိုပါက ရန်ကုန်-စစ်တွေလေကြောင်းလိုင်း မှတစ်ဆင့် စစ်တွေမြို့မှ မြောက်ဦးမြို့သို့ လေးနာရီခန့် သွားရသော မော်တော်ကား လမ်းဖြင့်လည်းကောင်း၊ သုံးနာရီခန့်ကြာမြင့် သော ရေကြောင်းခရီးဖြင့်လည်းကောင်း ရောက်ရှိနိုင်သည်။ ရေကြောင်းခရီးဖြင့် သွား ရောက်လိုပါက အများသုံးအမြန်ရေယာဉ် ဖြင့် သွားရောက်နိုင်သကဲ့သို့ ကိုယ်ပိုင်စက် လှေများဖြင့် လမ်းခရီးတစ်လျှောက် စပါး ခင်းများ၊ စင်ရော်ငှက်များ၊ ကိုတံငါများ၊ ကု လားတန်မြစ်(ကစ္စပနဒီမြစ်)မှ တိုက်ခတ် လာသည့် လတ်ဆတ်သောလေကို ရှူရှိုက် ရင်း အပန်းဖြေနိုင်သေးသည်။ ရန်ကုန်မှ မြောက်ဦးသို့ ကုန်းလမ်းခရီးဖြင့် လာရောက် လိုသူများသည် ရန်ကုန်-အမ်း-စစ်တွေ လမ်း အတိုင်း ၁၅ နာရီခန့် မောင်းနှင်ကာ လာ ရောက် ဖူးမြော် လေ့လာနိုင်ကြသည်။
မြန်မာနိုင်ငံတွင် တည်ထားသော စေတီပုထိုး အများစုကဲ့သို့ အုတ်များဖြင့် ထု လုပ်ထားခြင်းမဟုတ်ဘဲ ရှေးဟောင်း လက် ရာအားလုံး ကျောက်သားများကို ထွင်းထု ထားသည်မှာလည်း ထူးခြားသော အမွေအ နှစ် တစ်ခုဖြစ်သောကြောင့် မြန်မာတို့၏၊ ရခိုင်တို့၏ ရှေးဟောင်းမြို့တော် မြောက်ဦး မြို့သို့ သွားရောက် လေ့လာသူများထဲတွင် နိုင်ငံခြားသား ခရီးသွားဧည့်သည်များစွာ ပါဝင်လာသည်။
''မြောက်ဦးကတော့ တကယ့်အံ့ သြဖို့ကောင်းတဲ့ နေရာပါ။ နိုင်ငံခြားသား ဧည့်သည်တွေဆို အရမ်းစိတ်ဝင်စားကြပါ တယ်။ အပန်းဖြေခရီးလိုတော့ မဟုတ်ပေ မယ့် တကယ့် ရှေးခေတ်လက်ရာတွေကို မြင် ပြီး ရှေးတုန်းက ဘယ်လိုကြီးကျယ်ခမ်းနား ခဲ့တယ်ဆိုတာကို ပြန်တွေးနိုင်ပါတယ်။ မြောက် ဦးခရီးစဉ် စီစဉ်တိုင်း သွားတဲ့သူ အပြည့်ရ တယ်''ဟု Asian Green Adventure Travels & Tours မှ ဦးပြည့်ဖြိုးဦးက ပြောသည်။
မြောက်ဦးမှာတော့ တောင်ကုန်း တောင်တန်း ပေါများလှပြီး နေဝင်ချိန်၊ နေ ထွက်ချိန်အလှအပကို ခံစားကြည့်ရှုကြသည့် နိုင်ငံခြားသား ဧည့်သည်များလည်းရှိကြောင်း သိရသည်။
လွန်လေပြီးသောအခါက ကိုယ့် ယဉ်ကျေးမှု၊ ကိုယ့်စာပေ ဘာသာစကား၊ ကိုယ့်သမိုင်းကြောင်း၊ ကိုယ့်တိုင်းပြည်နဲ့ အ ရှိန်အဝါ ဘုန်းတန်ခိုးကြီးမားခဲ့တဲ့ ရခိုင်ပြည် ကြီးကို မြောက်ဦးမြို့ရဲ့ နန်းတော်ဟောင်း နေရာတွေကို လေ့လာကြည့်ရင်း သိမြင်ခံ စားနိုင်သည့်အတွက် မြောက်ဦးမြို့ဟောင်း သည် တန်ဖိုးမဖြတ်နိုင်သည့် ထိန်းသိမ်းစောင့် ရှောက်ကြရန် လိုအပ်နေသော မြန်မာတို့ ၏ ရှေးဟောင်း အမွေအနှစ်တစ်ခုပင် ဖြစ် လေတော့သည်။ ။
Flower News Journal, 12-7
Photo : Thet Hnin
0 comments:
Post a Comment
မှတ်ချက်တွေကို ဖော်ပြရန် ခဏလေးစောင့်ကြပါ။