အမေရိကန်နိုင်ငံ၊ အော်ရီဂွန်ပြည်နယ်ရှိ ကောလိပ်တစ်ခုတွင် ဖြစ်ပွားသော ပစ်ခတ်မှု၌ ပြစ်မှုကျူးလွန်သူ သေနတ်သမားသည် လက်နက်အများအပြားကို စုဆောင်း ဝယ်ယူထားကြောင်း ရဲတပ်ဖွဲ့က ဖော်ထုတ် တွေ့ရှိခဲ့သည်။
အောက်တိုဘာ ၁ ရက် နံနက် အစောပိုင်းက သေနတ်သမား ခရစ် ဟာပါ မာဆာသည် Umqua ကွန်မြူနတီ ကောလိပ်ထဲတွင် ဝင်ရောက်ပစ်ခတ်ရာ လူ ၉ ဦး သေဆုံးခဲ့ပြီး ၎င်းကို လုံခြုံရေး တပ်ဖွဲ့များက ပစ်ခတ် သုတ်သင်ခဲ့ရသည်။ အခင်းဖြစ်ချိန်တွင် မာဆာသည် ကျည်ကာ ဂျာကင် တစ်ထည်ကို ဝတ်ဆင်ကာ သေနတ် ၆ လက် သယ်ဆောင်လာကြောင်း သိရသည်။
၎င်းကို ရဲတပ်ဖွဲ့က ပစ်ခတ် သုတ်သင်ပြီးနောက် နေအိမ်ကို သွားရောက် ရှာဖွေရာ နောက်ထပ် သေနတ် ၇ လက်ကိုပါ တွေ့ရှိခဲ့သည်။ အဆိုပါ သေနတ် ၁၃ လက်စလုံးသည် တရားဝင် ဝယ်ယူထားခြင်း ဖြစ်သည်။
ရဲတပ်ဖွဲ့က သေဆုံးသူများ၏ အမည်စာရင်းကို ထုတ်ပြန်ကြေညာရာ အသက် ၁၈ နှစ်မှ ၆၇ နှစ်ထိ အရွယ်အမျိုးမျိုး ပါဝင်ပြီး အသက်အကြီးဆုံးမှာ ကောလိပ်မှ ဆရာတစ်ဥိးဟု သိရသည်။
ယခုဖြစ်ရပ် အပြီးတွင် အမေရိကန် သမ္မတ ဘာရတ်အိုဘားမားက နိုင်ငံအတွင်း လက်နက်ကိုင်ဆောင်ခွင့် ထိန်းချုပ်ရေး ဥပဒေကို ပြင်ဆင် ကြပ်မတ်ရေး ပိုမို အလေးအနက်ထား လုပ်ဆောင်သင့်ကြောင်း တိုက်တွန်း ပြောကြားခဲ့သည်။
မာဆာသည် ၂၀၀၈ ခုနှစ်က စစ်တပ်သို့ ဝင်ရောက်ခဲ့သော်လည်း တစ်လမျှအကြာ အခြေခံ လေ့ကျင့်ခန်း ကာလတွင်ပင် အကြောင်းရင်း မသိဘဲ ပြန်လည် နုတ်ထွက်သွားသည်။ အော်ရီဂွန် ကောလိပ်ကို ၎င်းဝင်ရောက် တိုက်ခိုက်သည့် အဓိက လှုံ့ဆော်မှုကိုလည်း အဖြေရှာမရသေးချေ။ အခြားသော သတင်းများအရ မာဆာသည် ၎င်းဝင်ရောက် ပစ်ခတ်ခဲ့သည့် ကောလိပ်တွင်လည်း တက်ရောက်ခဲ့ဖူးကြောင်း သိရှိရသည်။
http://www.7daydaily.com/
0 comments:
Post a Comment
မှတ်ချက်တွေကို ဖော်ပြရန် ခဏလေးစောင့်ကြပါ။