ကျောက်ဖျြူတွင် ဒေ၀ူးကုမ္ပဏီကို မကျေနပ်မူ တိုးပွား

ကျောက်ဖြူမြို့တွင် ဒေသခံ ပြည်သူများက ကိုးရီးယားဒေ၀ူး ကုမ္ပဏီ အပေါ် မကျေနပ်မူ တိုးပွားနေကြောင်း သိရသည်။

ဒေဝူးကားများကြောင့် ပျက်စီးနေသော ကျောက်ဖြူကံ့ကော်တောဘုရားလမ်း

" အဓိက မကျေမနပ်တာက စီမံကိန်းက ကားကြီးတွေကြောင့် လမ်းတွေ အကုန်လုံး ပျက်စီးသွားတဲ့ အတွက် ဖြစ်ပါတယ်။ အဲဒါကို သွားတင်ပြတော့ သူတို့က ဘာမှ အရေးမစိုက်တဲ့ ပုံစံမျိုးနဲ့ လမ်းတွေကို မပြင်ဘဲ ပစ်ထားတယ်။ ဒါ့အပြင် အရင်က ကုန်တန်ချိန် နည်းနည်းတင်ပြီး မောင်းတယ်။ အခုတော့ ဧရာမ ပိုက်လုံးကြီးတွေ တင်ပြီး ကားတွေ မောင်းနေတော့ လမ်းတွေ အကုန်လုံး ပျက်ကုန်တယ်" ဟု ဒေသခံ တစ်ဦးက နိရဉ္စရာသို့ ပြောသည်။

အဓိက ကျောက်ဖြူတွင် ပျက်စီးသွားသော လမ်းမှာ ကျောက်ဖြူမြို့နယ် ကပ်သပြေ ကျေးရွာ အုပ်စု အတွင်းရှိ လမ်းများ ဖြစ်ပြီး ကပ်ကပြေရွာမှ ကျောက်ဖြူ ကံ့ကော်တော ဘုရားထိ ဖေါက်လုပ်ထားသော လမ်းမှာ အားလုံး ပျက်စီးနေကြောင်း သူက ပြောသည်။

" အရင်က လော်ရီကား တစီးမှာ ပိုက်လုံး (၃) လုံးသာ တင်တယ်။ ရွာသားတွေ သွားကန့်ကွက်တော့ အခု ၅ လုံးတင်ပြီး ကားတွေကို မောင်းတယ်။ ကပ်သပြေကျေးရွာကနေပြီးတော့ ကျောက်ဖြူမြို့ ကံကော်တော ဘုရားထိ လမ် အကုန်လုံး ပျက်စီးသွားတယ်။ တချို့နေရာတွေမှာဆိုရင် လမ်းက နှစ်ခေါက်ချိူးသလို ဖြစ်သွားပြီး အကုန်လုံး ပျက်စီးသွားပါတယ်" ဟု ပြောသည်။

ကားများ စည်းမဲ့ကမ်းမဲ့ မောင်းနေသဖြင့် လမ်း၏ နေရာ အတော်များများတွင် ချိုင့်ခွက်များ ဖြစ်ပေါ်နေပြီး ဘုရားဖူးသွားသူများမှာ မြင်မကောင်းအောင် ဖြစ်နေကြောင်း သိရသည်။

" လမ်းသွားလမ်းလာလုပ်နေကြတဲ့ ဒေသခံတွေ သာမက ဘုရားဖူး လာတဲ့ အဝေးက ပုဂ္ဂိုလ်တွေလည်း အားလုံး ဒုက္ခရောက်ကြရပါတယ်။ လမ်းတွေက မြင်လို့ မကောင်းတဲ့ အဆင့်ထိ ရောက်နေပါတယ်" ဟု တခြား ဒေသခံ တစ်ဦးကလည်း ပြောသည်။

၎င်းပြင် ကျောက်ဖြူ- ရန်ကုန် ကားလမ်းမကြီးမှာလည်း ရွှေသဘာဝ ဓါတ်ငွေ့ စီမံကိန်းမှ ကားများကြောင့် မြင်မကောင်းအောာင် ပျက်စီးနေပြီး ကားဖြင့် ခရီးသွားနေကြသူ ပြည်သူများမှာ လမ်းများ ပျက်စီးနေသဖြင့် အထူး ဒုက္ခရောက်နေကြသည်ဟု သိရသည်။

ယခုကဲ့သို့ ရွှေသဘာဝ ဓါတ်ငွေ့ စီမံကိန်းကြောင့် ဒေသခံ ပြည်သူများ အကျိုး တစုံတရာ မခံစားရသည့် အပြင် ဒေ၀ူး ကုမ္ပဏီမှ ကားများ နေ့ည မပြတ် မောင်းနှင်နေမူကြောင့် ကားလမ်းများ ပျက်စီးပြီး ပြည်သူများ ဒုက္ခရောက်နေကြရသဖြင့် ဒေ၀ူးကို မကျေနပ်မူ တိုးပွားနေကြခြင်း ဖြစ်သည်။

" နိူင်ငံတော် သမ္မတ ဦးသိန်းစိန် ထိစာရေး တိုင်ကြားသွားဖို့ ဒေသခံတွေက စည်းရုံးနေကြပါတယ်။ လမ်းတွေ ပျက်စီးနေတဲ့ အပေါ်မှာတော့ မြို့ပေါ်မှာ ရှိတဲ့ ဌာနဆိုင်ရာ ရုံးတွေ အားလုံးကို စာရေးအကြောင်းထားပြီး ဖြစ်ပါတယ်။ လမ်းတွေကို မပြင်ဘဲ ထားရင်တော့ လုပ်သင့်တာတွေကို ဆက်လုပ်သွားဖို့ ဒေသခံတွေက တိုင်ပင်နေကြပါတယ်" ဟု သူက ဆက်ပြောသွားသည်။

ကံကော်တောဘုရားမှာ ကျောက်ဖြူမြို့၏ အဓိက ရှေးဟောင်း သမိုင်းဝင် ဘုရား ဖြစ်ပြီး အဆိုပါ ဘုရားလမ်း ပျက်စီသွားသဖြင့် ၀ါကျွတ် လပြည့်နေ့ ပွဲတော်တွင် ဘုရားသွားသူများ အခက်အခဲတွေ့နိုင်သဖြင့် လူများ စိတ်မချမ်းမသာ ဖြစ်နေကြသည်ဟု ကျောက်ဖြူ ဒေသခံက ပြောကြားသွားသည်။


http://www.narinjara.com/detailsbur.asp?id=3525

Share on Google Plus

About Admin

This is a short description in the author block about the author. You edit it by entering text in the "Biographical Info" field in the user admin panel.