အောက်တိုဘာ ၂၀ ။ ။ မြဝတီသတင်းဌာန၏ သတင်းထုတ်ပြန်ချက်သည် နိုင်ငံတော်အစိုးရနှင့် ပြည်နယ်အဆင့် ပဏာမ သဘောတူညီချက်ပါ အချက်များနှင့် ကွဲပြားနေသည်ဟု ရှမ်းပြည် တိုးတက်ရေးပါတီ/ ရှမ်းပြည်တပ်မတော်က အောက်တိုဘာ ၂၀ ၌ ရှင်းလင်း ထုတ်ပြန်လိုက်သည်။
အောက်တိုဘာ ၁၉ နေ့ရက်စွဲဖြင့် မြဝတီသတင်းဌာန၏ သတင်းတပုဒ်တွင် ၂၀၁၂ ခု ဇန်န၀ါရီ ၂၈ ရက်က ပြုလုပ်သည့် ပြည်ထောင်စုအဆင့် ငြိမ်းချမ်းရေး ဆွေးနွေးပွဲအပြီးတွင် ဝမ်ဟိုင်းဌာနချုပ်၌ သာ အခြေပြုနေထိုင်ရန် သတ်မှတ်ထားခဲ့သော်လည်း ဝမ်ဟိုင်းဌာနချုပ်မှ တောင်ဘက် ၁၀ မိုင်ခန့်အ ကွာတွင် အခိုင်အမာ စခန်းဆောက်၍ အခြေပြုနေကြောင်း စိစစ်တွေ့ရှိရသည်ဟု ဖော်ပြထားသည်ကို တုန့်ပြန် ရှင်းလင်းခြင်း ဖြစ်သည်။
ရှမ်းပြည်တိုးတက်ရေး ပါတီ SSPP-SSA က ထုတ်ပြန်ရာတွင် ၂၀၁၂ ခုနှစ် ဇန်နဝါရီလ ၂၈ ရက်က နိုင်ငံတော်အစိုးရနှင့် ပြည်နယ်အဆင့် ပဏာမသဘောတူညီချက် အပိုဒ် (ခ) တွင် ရှမ်းပြည် တိုးတက်ရေးပါတီနှင့် ရှမ်းပြည်တပ်မတော်တပ်ဖွဲ့များ ကို ၀မ်ဟိုင်းတွင်အခြေပြု၍ လက်ရှိ ဖြန့်ခွဲထား သောနေရာများတွင် ယာယီအခြေပြုနေထိုင်ရန် သဘောတူသည်ဟု ပါရှိကြောင်းဆိုသည်။ ၀မ်ဟိုင်း ဌာနချုပ်၌သာ အခြေပြုနေထိုင်ရန် သဘောတူညီချက် လုံးဝမပါရှိဟုလည်း ဖော်ပြသည်။
ထို့ပြင် မြ၀တီက 'သိမ်းပိုက်ရရှိခဲ့သည်' ဟု ဖော်ပြထားသည့် နေရာများသည်လည်း UPWC ၏ ညှိနှိုင်း တောင်ဆိုချက်အရ SSPP-SSA ဗဟိုက သဘောထားကြီးစွာဖြင့် ဆုတ်ခွာပေးခဲ့ခြင်း ဖြစ်သည် ဟု ဆိုသည်။ သဘောထားကြီးမှုကို အခွင့်ကောင်း ယူခြင်းသာဖြစ်သည်ဟုလည်း သုံးသပ်ထားသည်။
SSPP-SSA သည် တပ်မတော်စစ်ကြောင်းများနှင့် တိုက်ပွဲဖြစ်ပွားသည့် မိုင်းရှုးအပါအ၀င် ရှမ်းပြည်နယ်ရှိ မြို့နယ် ၃၀ တွင် တန်းတူရေးနှင့် ကိုယ်ပိုင်ပြဌာန်းခွင့်၊ စစ်မှန်သည့် ဖက်ဒရယ် ပြည်ထောင်စုတို့ အတွက် နှစ်ပေါင်း ဆယ်ချီ လှုပ်ရှား တိုက်ပွဲဝင်နေသည့်အဖွဲ့ဖြစ်သည်ဟု သိရသည်။
၂၀၁၂ ခု ပြည်နယ်/ပြည်ထောင်စု အဆင့် ငြိမ်းချမ်းရေး ဆွေးနွေးပွဲ သဘောတူညီချက် လက်မှတ် ထိုးပြီးနောက် SSPP/ SSA တပ်ဖွဲ့များမှ တပ်မတော်အား စတင် ပစ်ခတ်တိုက်ခိုက်မှု တစ်ကြိမ်မျှ မရှိဟုလည်း ဆိုသည်။
အောက်တိုဘာ ၁၉ ရက်စွဲပါ တပ်မတော်ပိုင် မြ၀တီသတင်းတပုဒ်ကမူ အောက်တိုဘာ ၁၆ နှင့် ၁၈ ရက်များက လွိုင်လင် ခရိုင်၊ ကျေးသီးမြို့နယ်၊ မိုင်းနောင်မြို့အနီး ဝိန်းကောင်ကျေးရွာရှိ တပ်မ တော် တပ်ရင်းဌာနချုပ်သို့ SSA (ဝမ်ဟိုင်း) အဖွဲ့များက လက်နက်ကြီး/ငယ်များဖြင့် ၂ ကြိမ် ပစ်ခတ် တိုက်ခိုက်ခဲ့သည်ဟု ဖော်ပြထားသည်။
ယင်းအချက်ကို SSPP/ SSA ကမူ ၄င်းတို့၏ တပ်ဖွဲ့များကို တပ်မတော်က လိုက်လံ တိုက်ခိုက် ခြင်းသာ အကြိမ် ၅၀၀ ကျော် ရှိပြီး တပ်မတော် တပ်ရင်းဌာနချုပ်သို့ ပစ်ခတ်မှုသည် ၎င်းတို့၏ တပ်ဖွဲ့ နှင့် မသက်ဆိုင်ဟု ငြင်းဆိုသည်။
SSPP/ SSA အနေဖြင့် ဗဟိုကော်မတီ၏ ဦးဆောင်မှုဖြင့် တစ်နိုင်ငံလုံးအပစ်ရပ်ရေး၊ နိုင်ငံရေး ဆွေးနွေးပွဲများတွင် ဂုဏ်သိက္ခာရှိရှိ ဆက်လက် ပါဝင်နိုင်ရေး၊ စစ်မှန်သော ဖက်ဒရယ်ပြည်ထောင်စု တည်ဆောက်ရေးတို့အတွက် UPWC အား အချိန်နှင့် တပြေးညီ ဆက်လက် တင်ပြ ညှိနှိုင်းသွား မည်ဟုလည်း ဆိုသည်။
မြန်မာ့တပ်မတော် စစ်ကြောင်းများ၏ ထိုးဖောက် တိုက်ခိုက်မှုများကို မိမိကိုယ်ကို ကာကွယ် သော ခုခံစစ်ဖြင့် ဆက်လက် တိုက်ပွဲဝင်သွားမည်ဟု အောက်တိုဘာ ၂၀ ထုတ်ပြန်ချက်တွင် ဖော်ပြ ထားသည်။
မြ၀တီကမူ နယ်မြေလုံခြုံရေးကို မထိခိုက်စေရေး၊ ပစ်ခတ်တိုက်ခိုက်မှု ရပ်စဲရေး မူဘောင် ဆွေးနွေးမှုများ မထိခိုက်စေရေး သတ်မှတ်နယ်မြေသို့ ပြန်လည်ဆုတ်ခွာရန်၊ တပ်မတော်က သတိပေး ခဲ့သော်လည်း ဝမ်ဟိုင်းဌာနချုပ် မူလနယ်မြေသို့ ဆုတ်ခွာခြင်း မရှိသည့်အပြင် တပ်မတော် စစ်ကြောင်း များသို့ ပစ်ခတ်လာသဖြင့် ရှင်းလင်းတိုက်ခိုက်ခဲ့ရာ အောက်တိုဘာ ၆ ရက်မှ အောက်တိုဘာ ၉ ရက် နေ့အထိ တိုက်ခိုက်မှု ၃၇ ကြိမ် ဖြစ်ခဲ့သည်ဟု ဖော်ပြသည်။
http://mizzimaburmese.com/
0 comments:
Post a Comment
မှတ်ချက်တွေကို ဖော်ပြရန် ခဏလေးစောင့်ကြပါ။