၁။ ဥက္ကဋ္ဌ- ဦးတင်မောင်ဦး။
၂။ ပါတီဝင်အရေအတွက်- နှစ်ထောင်ခန့်။
၃။ မဲဆန္ဒနယ်- ရှမ်းပြည်နယ်တွင် ပြည်သူ့လွှတ်တော်ကိုယ်စားလှယ်လောင်းနှစ်ဦး၊ အမျိုးသားလွှတ်တော်ကိုယ်စားလှယ်လောင်းတစ်ဦးနှင့် တိုင်းနှင့်ပြည်နယ်လွှတ်တော် ကိုယ်စားလှယ်လောင်းလေးဦးဝင်ရောက်ယှဉ်ပြိုင်မည်။
၎။ ပါတီမူဝါဒ- စစ်မှန်ပြီးအနှစ်သာရနှင့်ပြည့်စုံသော ဒီမိုကရေစီစနစ်ဖြင့် မြန်မာနိုင်ငံဖွံ့ဖြိုးတိုးတက်ရန် လက်တွဲဖော်နိုင်ငံရေးပါတီများနှင့် ပူးပေါင်းဆောင်ရွက်မည်။ ဒီမိုကရေစီစနစ်ထွန်းကားလာသည်နှင့်အမျှ အခြေခံလူ့အခွင့်အရေးများဖြစ်သော လွတ်လပ်ခြင်း၊ တရားမျှတခြင်း၊ တန်းတူညီမျှခြင်းတို့ကို ရရှိခံစားနိုင်ရေးဆက်လက် ဆောင်ရွက်မည်။
၅။ ပါတီဆောင်ပုဒ်- အခွင့်အရေးမှန်သမျှ ခွဲဝေမျှ။
၆။ ကိုယ်စားလှယ်လောင်းရွေးချယ်မှုသတ်မှတ်ချက်- ပါတီကချမှတ်ထားသော ပါတီစည်းကမ်းချက်များကိုလိုက်နာသူ၊ ဓနုတိုင်းရင်းသားဒေသခံများက ထောက်ခံသူများကိုကိုယ်စားလှယ်လောင်းအဖြစ် ရွေးချယ်ထားသည်။ အမျိုးသား၊ အမျိုးသမီးမည်မျှပါဝင်ရမည်ဟု ခွဲခြားမထားပေ။ ပညာအရည်အချင်းထက် ကိုယ်စားလှယ်လောင်း၏ စိတ်ဓာတ်ကိုအခြေခံပြီး ရွေးချယ်ထားသည်။
၇။ ပါတီရန်ပုံငွေ− ပါတီအဖွဲ့ဝင်များနှင့်ကိုယ်စားလှယ်လောင်းများက ကိုယ်ထူကိုယ်ထစနစ်ဖြင့် ပါတီရန်ပုံငွေကိုသုံးစွဲသည်။ အခြားအဖွဲ့အစည်းများ၏ အလှူငွေများကို လက်မခံပေ။
၈။ ပါတီနောက်ခံသမိုင်း- ၂၀၁၀ ရွေးကောက်ပွဲတွင် ဓနုကိုယ်ပိုင်အုပ်ချုပ်ခွင့်ရဒေသမှ တစ်သီးပုဂ္ဂလဖြင့် ဝင်ရောက်ယှဉ်ပြိုင်ခဲ့သည်။ ၂၀၁၄ တွင် တစ်သီးပုဂ္ဂလသည် တိုင်းရင်းသားဒေသခံများအား ကိုယ်စားမပြုသောကြောင့် ဓနုတိုင်းရင်းသားများပါဝင်သော ဓနုအမျိုးသားများအဖွဲ့ချုပ်ပါတီကို စတင်တည်ထောင်ခဲ့သည်။
ပါတီဥက္ကဋ္ဌနှင့် အမေးအဖြေ
လွှတ်တော်ထဲရောက်ရင် အခြေခံဥပဒေကိုပြင်ဆင်ဖို့ ဘယ်လိုမျိုးစွမ်းဆောင်နိုင်မလဲ။
၂၀၀၈ ဖွဲ့စည်းပုံအခြေခံဥပဒေမှာက အားနည်းချက်တွေ၊ ပြင်ဆင် ရမယ့်အချက်တွေအများကြီးရှိပါတယ်။ လွှတ်တော်ထဲရောက်ရင် အခြေခံဥပဒေပြင်ဆင်ဖို့၊ အသစ်ပြဋ္ဌာန်းနိုင်ဖို့ကို လက်တွဲဖော်နိုင်ငံရေး ပါတီတွေနဲ့ပူးပေါင်းပြီး ကြိုးစားလုပ်ဆောင်သွားမယ်။
လွှတ်တော်ထဲရောက်ရင် ပြည်တွင်းငြိမ်းချမ်းရေး ဖော်ဆောင်ရေးမှာ ဘယ်လောက်ထိ ကူညီပေးနိုင်မယ်လို့ ယုံကြည်ပါသလဲ။
ပြည်တွင်းငြိမ်းချမ်းမှ တိုင်းပြည်တိုးတက်အောင် အကောင်အထည်ဖော်နိုင်မှာဖြစ်တဲ့အတွက် အန်ကယ်တို့ပါတီအနေနဲ့ တစ်ဖက်တစ်လမ်း က အစွမ်းကုန်ကြိုးစားသွားမယ်။ ရည်ရွယ်ချက်ချင်းတူညီတဲ့ပါတီနဲ့ လက်တွဲဆောင်ရွက်သွားမယ်။
ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထားသလား။
တိုင်းရင်းသားဒေသတွေမှာက ဆင်းရဲသားလူတန်းစားတွေများ တယ်။ ဖွံ့ဖြိုးမှုသိပ်မရှိဘူး။ စိုက်ပျိုးရေးကိုပဲ အဓိကထားအားကိုးနေရ တယ်။ နောက်ပြီး တစ်နှစ်ကိုလေးလလောက်ပဲစိုက်ပျိုးပြီး စားဝတ်နေရေး ကိုဖြေရှင်းနေရတယ်။ စက်မှုလုပ်ငန်းတိုးတက်အောင်လုပ်ဆောင်သွား မယ်။ ဒေသတွင်း ထွက်ကုန်သီးနုံတွေကို နိုင်ငံတကာ‘စံ’အဆင့်ရှိစေပြီး ပြည်တွင်း၊ ပြည်ပဈေးကွက်မှာ တွင်ကျယ်အောင်လုပ်ဆောင်သွားမယ်။ ဒါမှ တိုင်းရင်းသားတွေရဲ့ဝင်ငွေ၊ ထွက်ငွေမျှတမှာပါ။
ပြည်သူတွေက ဓနုအမျိုးသားများအဖွဲ့ချုပ်ပါတီို ကို ဘာကြောင့် မဲပေးသင့်သလဲ။
အန်ကယ်တို့က ဒေသခံတိုင်းရင်းသားတွေကို ကိုယ်စားပြုပြီး တည် ထောင်ထားတယ်။ နောက်ပြီး ဒေသခံတွေရဲ့အခက်အခဲပြဿနာတွေကို လည်း ဖြေရှင်းပေးတဲ့အတွက် ပြည်သူတွေက အန်ကယ်တို့ပါတီကို မဲပေး လာကြမှာပါ။
သမ္မတလောင်းရွေးချယ်ခွင့်ရှိရင် ဘယ်လိုပုဂ္ဂိုလ်မျိုးကို ရွေးချယ်မလဲ။
နိုင်ငံကို စိတ်ရင်းအမှန်အကန်နဲ့လုပ်ဆောင်ပေးတဲ့သူ၊ အရည် အချင်းပြည့်ဝပြီး ပြည်သူ့အကျိုးကိုဆောင်ရွက်ပေးတဲ့သူမျိုးကို သမ္မတ အဖြစ်ရွေးချယ်သွားမယ်။
ဥက္ကဋ္ဌ ကိုယ်ရေးအကျဉ်း
အသက်- (၅၃) နှစ်။
ပညာအရည်အချင်း- သတ္တမတန်း။
နိုင်ငံရေးဖြတ်သန်းမှု အတွေ့အကြုံ- လွတ်လပ်ရေးရပြီးနောက်ပိုင်း တစ်ပါတီစနစ်၊ အာဏာရှင်စနစ်ဖြင့်အုပ်ချုပ်သော်လည်း ဓနုတိုင်းရင်း သားဒေသကိုပိတ်ပင်မှုမရှိခဲ့ခြင်းကြောင့် နိုင်ငံရေးလှုပ်ရှားမှုမရှိခဲ့ပေ။ ၂၀၁၄ တွင် ဓနုအမျိုးသားများအဖွဲ့ချုပ်ပါတီကိုတည်ထောင်ကာ ပါတီ ဥက္ကဋ္ဌအဖြစ်ဆောင်ရွက်ခဲ့သည်။
လက်ရှိအလုပ်အကိုင်- နိုင်ငံရေး။
စံပြပုဂ္ဂိုလ်- ဗိုလ်ချုပ်အောင်ဆန်း။
ဆက်သွယ်ရန် လိပ်စာ - အိမ်အမှတ် (ဈ -၃၄၈)၊ သစ္စာလမ်း၊ ဈေးတန်း (တောင်ပိုင်း)ရပ်ကွက်၊ ရွာငံမြို့၊ ရှမ်းပြည်နယ်(ဓနုကိုယ်ပိုင်အုပ်ချုပ်ခွင့်ရဒေသ)
ဖုန်းနံပါတ်- ၀၉-၄၉၃၅၇၈၄၄။
http://www.7daydaily.com/
About Kyauk Phru Net
0 comments:
Post a Comment
မှတ်ချက်တွေကို ဖော်ပြရန် ခဏလေးစောင့်ကြပါ။