ရက္ခိုင့်တပ်မတော်နှင့် ဆက်နွယ်မှု စွဲချက်ဖြင့် ထောင်(၃) နှစ် ချခံရသည့် ကျေးရွာအုပ်ချုပ်ရေးမှူး အတွက် ခရိုင်အဆင့် အယူခံဝင်မည်

ရန်ကုန်၊ အောက်တိုဘာ ၁




ရက္ခိုင့်တပ်မတော်နှင့် ဆက်နွယ်ပတ်သက်မှု စွဲချက်ဖြင့် အလုပ်နှင့် ထောင်သုံးနှစ်ချခံရသူ မင်းပြားမြို့နယ် လဟာကျယ် ကျေးရွာ အုပ်ချုပ်ရေးမှူး ဦးဝင်းမောင်အတွက် မြောက်ဦးခရိုင် တရားရုံးတွင် အယူခံ ဆက်လက်ဝင်သွားမည်ဟု သူ၏ အမှုကို လိုက်ပါဆောင် ရွက်နေ သူ ရှေ့နေမကြီး ဒေါ်အေးနုစိန်က နိရဉ္စရာသို့ ပြောသည်။

မင်းပြားမြို့နယ် တရားရုံးမှ စက်တင်ဘာလ ၂၈ ရက်နေ့က မတရားအသင်း ဆက်သွယ်မှု ပုဒ်မ ၁၇ (၁) ဖြင့်ဦးဝင်းမောင်အား ထောင်သုံးနှစ်ချမှတ်ခဲ့သည်။

သူ့ကို ထောင်သုံးနှစ်ချမှတ် ခြင်းနှင့် ပတ်သက်ပြီး ဒေါ်အေးနုစိန်က ယခုလို ပြောဆိုသည်။

“ သူ့ကို လက်ရှိ အုပ်ချုပ်ရေးမှူး တာဝန် ထမ်းဆောင်နေတုန်း စရဖ အဖွဲ့ က ဒီနှစ် ဧပြီ ၂၃ ကတည်းက ဖမ်းဆီး ယူဆောင် သွားခဲ့ပါတယ်။ ၉ ရက်လောက် ဖမ်းဆီး ချုပ်နှောင်ပြီးလို့ စစ်ကြောချက် တစ်စောင် ရရှိပြီး နောက်ပိုင်းမှာမှ ရဲစခန်းကို ၃ ရက်- ၅လ ၂၀၁၅ မှာ ရဲစခန်းကို လွှဲပြောင်း ပေးအပ် ပါတယ်။ အဲဒီနေ့မှာဘဲ မင်းပြားမြို့ ရဲစခန်းမှူး ဒုရဲမှူးဝင်းမောင်က တရား စွဲဆိုတာ ဖြစ်ပါတယ်။ အမှုဖွင့်ပြီး မတရားအသင်း အက်ဥပဒေ ပုဒ်မ ၁၇(၁) အရ စစ်ဆေးခဲ့တာ ဖြစ်ပါတယ်” ဟု ပြောသည်။

ထောင်ချလိုက်ပုံကိုလည်း သူမက ယခုလို ပြောသည်။

“ အေအေ ရက္ခိုင့်တပ်မတော်နဲ့ ဆက်စပ်သူများကို အားပေး ကူညီတယ်ဆိုပြီးတော့ ပုဒ်မ ၁၇(၁) နဲ့ စွဲဆိုခဲ့တာ ဖြစ်ပါတယ်။ စစ်ကြောချက် တစ်စောင်နဲ့အတူ စွဲချက်တင်ပြီး ၂၈-၉-၂၀၁၅ အလုပ်နဲ့ ထောင်ဒဏ် ၃ နှစ် ချမှတ်လိုက်တာ ဖြစ်ပါတယ်” ဟု ပြောသည်။

မြောက်ဦး ခရိုင် တရားရုံးမှာ ဆက်လက် အယူခံ တက်ရောက်မည့် အကြောင်းကို ဒေါ်အေးနုစိန်က ယခုလို ပြောဆိုသည်။

“ ကျွန်မ တို့ကတော့  ဒီအမှုဟာ အမှုမဖွင့်ခင် ၉ ရက်လောက်ကတည်းက တပ်မတော်က ဖမ်းဆီးခေါ်ဆောင် သွားတဲ့ ၉ ရက်အတွင်းမှာ သူ့လက်မှတ် ထိုးပေးလိုက်ရတဲ့ စစ်ကြောချက် တစ်စောင် က လွဲရင် ကျန်တဲ့ အထောက်အထား တစ်စုံတစ်ရာမှ မရှိပါဘူး။ အဲဒီ စစ်ကြောချက် ကိုဘဲ သက်သေခံ ၀င်တဲ့ အထောက်အထား ဖြစ်တယ်ဆိုပြီးတော့ အမိန့်ချမှတ်တာကို မကျေနပ်တဲ့ အတွက် ခရိုင်တရားရုံးမှာ အယူခံ တက်ရောက် မှာ ဖြစ်ပါတယ်” ဟု ပြောသည်။

___Narinjara News

Share on Google Plus

About Kyauk Phru Net

This is a short description in the author block about the author. You edit it by entering text in the "Biographical Info" field in the user admin panel.