"ပဇောင်လဲကျောက်ဖြူ "

ကျောက်ဖြူ
နင့်သူငယ်ချင်းငိုကြွီးသံတိဆောင်းဆောင်းအူနီဗျာလ်
နင့်အသံကိုမကြားရသိမ့်ရေခါ
အခြားသူတိပိုင်ဇာခါနင့်အလှည့်ကျဖို့လဲအမေးက
ဒီရေတက်ပယှောင်စိုးရိမ်မှုတိငါ့ရင်ထဲပြည့်လျှံလာနီရေ။

ကျောက်ဖြူ
နင့်ဘားကအန်ထုတ်မွီးထားရေသားတစ်ယောက်ပီပီ
အဘာအမင်ကျေးဇူးသိရေအကောင်ရာ
ရီနစ်နီရေနင့်ကိုဝါးကူထိုးဖို့ချောင်းနီကတ်တေလူတိကြားထဲ
အဂုအချိန်တစ်ခုလေ့မလုပ်ပီးနိုင်ကေလေ့
ဆည်းဆာချိန်တိုင်းတိမ်တောက်အောင်
သီနတ်ကိုစုတ်တံအဖြစ်သုံးရလီဖို့ငါယုံရေ။

ကျောက်ဖြူ
အကောက်ကြံရေလူတိက
ဖောက်ပြန်မှုကိုမျက်နှာဖုံးစွပ်ပုံဖျက်ထားကေလေ့
လာလာသမျှလောကဝတ်ကျီ
နွီးနွီးထွီးထွီးကြိုဆိုတတ်တေနင်ဟာ
ပင်လယ်နားကမြို့ ဆိုရေသမုဒ်မှုအောက်မှာ
အုံနာနန့်ပိုင်ရှင်တစ်ထပ်တည်းကျဖို့
တိုက်ပွဲတိကသက်သီခံပီးလိမ့်မယ်။

ကျောက်ဖြူ
မုန်တိုင်းကအဖျားခပ်ရုံဆိုကေလေ့
အဖက်အနမ်းကြမ်းရေကိုမန်ကလိစော်ကို
ကိုရီးယားဆန်တရုတ်သိုင်းကားအသံတိအောက်
ရခိုင်ဆန်မှုတိပျက်မသုဉ်းအောင်စောင့်ထိန်းယင်း
ဒေတစ်ခေါက်ဆိုင်ကလုန်း
နင်တစ်ယောက်တောင့်ခံနိုင်ဖို့လား
ပဇောင်လဲ ကျောက်ဖြူ ။

Dr. Nyo Twan Awng
July ,Thu, 30 ,2015, 7:55 PM

Credit: Dr Nyo Twan Awng Poems and Articles

Share on Google Plus

About Kyauk Phru Net

This is a short description in the author block about the author. You edit it by entering text in the "Biographical Info" field in the user admin panel.