ရှမ်းပြည်နယ် မြောက်ပိုင်း မူဆယ်ခရိုင် ထဲက မုံးကိုး မြို့နယ် ထဲ မှာ ကချင် လက်နက်ကိုင် KIA တွေ နဲ့ အစိုးရ တပ်ကြား ထိတွေ့ ပစ်ခတ်မှု တွေ ဖြစ်ပေါ် လာတာ မှာ စက်တင်ဘာ ၁၄ ရက် တနင်္လာနေ့ အထိ ဆိုရင် တိုက်ပွဲ ငယ် ၅ ကြိမ် ထက် မနည်း ရှိနေပြီ လို့ အဲဒီ့ နယ်မြေ က လာတဲ့ သတင်းတွေ က ဆိုပါတယ်။
ကေအိုင်အေ တပ်မဟာ ၄ လက်အောက်ခံ တပ်ရင်း ၃၆ ထိန်းချုပ် မြေ ဖြစ်တဲ့ မုံးကိုး ဒေသ ကို အစိုးရ စစ်ကြောင်း ဝင်လာ တာ ကနေ ပြီးခဲ့တဲ့ သောကြာ နေ့ က စလို့ တိုက်ပွဲ တွေ ပေါ်ပေါက် လာတာ ဖြစ်တယ် ဆိုပြီး KIA စစ်ဖက် သတင်းရပ်ကွက် က ပြောပါတယ်။
အထိခိုက် အကျဆုံး စာရင်း ကို အတိတကျ မသိရ သေး ပေမယ့် တိုက်ပွဲ မပြင်း ထန် ဘူး လို့ နယ်မြေ ခံ တွေ က ဆိုပါတယ်။
စက်တင်ဘာ ၁၁ ရက် သောကြာနေ့ က စလို့ မုံးကိုး မြို့နယ် ဖောင့်ထူးချိုင် ရွာ အနီး ထိတွေ့မှု ၂ ကြိမ် ဖြစ်ခဲ့ ပြီး နောက်တစ်ရက် မှာ လည်း ပစ်ခတ်မှု တွေ ရှိခဲ့တယ် လို့ ဆိုပါတယ်။
၁၃ ရက် နေ့ မှာတော့ မုံးကိုး မန်ဖာ နားမှာ တိုက်ပွဲ ဖြစ်ပြီး ၊ ၁၄ ရက် နေ့ မှာ လည်း ပစ်ခတ် မှု စတင်ခဲ့ရာ ဖောင့်ထူးချိုင် ရွာ အနီးမှာ တိုက်ပွဲ ၂ ကြိမ် ဖြစ်ပေါ် ခဲ့တာ ပါ။
အခုလို တပ်မဟာ ၄ လက်အောက်ခံ နယ်မြေ မှာ တိုက်ပွဲ တွေ ဖြစ် ပေါ် လာ သလိုပဲ တပ်မဟာ ၃ နယ် ထဲ မှာလည်း ပြီးခဲ့တဲ့ သီတင်းပတ် ကပဲ အစိုးရ တပ် တွေ ဝင်လာတဲ့ အတွက် ပစ်ခတ် မှု တွေ ဖြစ်ခဲ့တယ် လို့ တပ်မဟာ ၃ လက်အောက်ခံ တပ်ရင်း ၁၂ တပ်ရင်းမှုး ဗိုလ်မှုး ဂျော်အောင် က ဘီဘီစီ ကို ပြောပါတယ်။
ကေအိုင်အေ တပ်မဟာ ၄ ကို ကိုးကန့် တပ်တွေ နဲ့ ဆက်စပ်ပြီး လက်နက် ချ ရမယ် ဆိုပြီး အစိုးရ စစ်တပ် အကြီးအကဲ က လတ်တလော မှာ ပဲ ပြောဆို ထားတာ ရှိတဲ့ အတွက် တပ်မဟာ ၄ နယ်ထဲ ကို အစိုးရ စစ်ကြောင်း ဝင်လာတာ နဲ့ တပြိုင် နက် အခု လို ထိတွေ့မှု တွေ ပိုပြီး ဖြစ်လာရတယ် လို့ စစ်ရေး အကဲခတ် တွေ က ပြောပါတယ်။
___BBC Burmese
0 comments:
Post a Comment
မှတ်ချက်တွေကို ဖော်ပြရန် ခဏလေးစောင့်ကြပါ။