ရခိုင်ရေဘေး သိန်းနှစ်ထောင်နီးပါးခန့် လှူဒါန်းခဲ့တဲ့ မင်္ဂလာဈေးမိသားစု၊ ဒေါက်တာမျိုးမြအဖွဲ့နှင့် One Flower မိသားစုနဲ့ အင်တာဗျူး

ရန်ကုန်၊ သြဂုတ် ၂၁

ရခိုင်ပြည်နယ် မြောက်ဦးမြို့နယ် လေးမြို့မြစ်ကမ်း တစ်လျှောက်ရှိ ရေဘေးဒဏ်ကို အကြီးအကျယ် ခံခဲ့ရသော ကျေးရွာများသို့ မင်္ဂလာဈေးအဖွဲ့၊ ဒေါက်တာမျိုးမြအဖွဲ့နှင့် One Flower မိသားစုတို့မှ အဖွဲ့ဝင်များသည် ကိုယ်တိုင်ကိုယ်ကျ သွားရောက်ပြီး အကူအညီများ သွားရောက် လှူဒါန်းပေးအပ်ခဲ့ပါသည်။ ၎င်းအဖွဲ့များသည် အသျှင်ဘုရားကြီး ကမ္မဋ္ဌာန စရိယ ဘဒ္ဒန္တဥာဏစက္က မဟာမထေရ်မြတ်ကို အမှူးထားလျက် ဆန်အိတ်တစ်ထောင်နီးပါး အပါအ၀င် ကျပ်သိန်းပေါင်း နှစ်ထောင်ခန့်ကို ကူညီ လှူဒါန်းခဲ့သည်ဟု သိရပါသည်။ လေးမြို့မြစ်ကမ်းဘေးတွင် တည်ရှိသော ဆင်အိုးကြီးရွာ၍ သူတို့အဖွဲ့နှင့် သြဂုတ်လ ၁၁ ရက်နေ့က ဆုံတွေ့စဉ် မေးမြန်းထားသော အင်တာဗျူးကို ဖော်ပြလိုက်ပါသည်။

မေး-နာမည်နဲ့ ကိုယ်စားပြု အဖွဲ့ကို ပြောပြ ပေးပါ။
ဖြေ-ကျွန်တော့်နာမည် မောင်အေးလင်း ပါ။ ရန်ကုန်ဗဟန်းမှာ နေပါတယ်။ ကိုယ်စားပြုကတော့ မင်္ဂလာဈေး မိသားစုတွေလည်း ပါသလို ကျွန်တော် တို့ One Flower နဲ့ ဒေါက်တာ မျိုးမြ၊ နောက်အသိမိတ်ဆွေတွေနဲ့ ရန် ကုန်ကနေ လာကြပါတယ်။ ပစ္စည်းတွေကိုတော့ Golden Myanmar Airline က သယ်ပေးတယ်။ အဲဒီ ပစ္စည်းတွေနဲ့ ကျွန်တော်တို့က ဒီအထိလာပြီးတော့ လှူတန်းတာပါ။

မေး-အခု ဘယ်မြို့နယ်တွေကို အဓိက ထားပြီး ကူညီနေတာပါလဲ။
ဖြေ-ကျွန်တော် လက်ရှိရောက်နေတာက တော့ မြောက်ဦးပါ။ ဒါပေမဲ့ ရှေ့ကို ပထမတစ်ကြိမ် ရောက်လာ တုန်းက မင်းပြားဘက်ကို သွားပေမယ့် သွားလို့မရဘူး။ တံတား ကျိုးနေတယ်။ ဒါကြောင့် ကျွန်တော်တို့ ပထမတစ်ကြိမ်မှာ ဆန်အိတ် ၇ဝဝ ကို မြောက်ဦးမြို့နယ်မှာ လှူ ပြီးတော့ စစ်တွေကို ပြန်သွားတယ်။ ဂိုးဒင်းမြန်မာ လေကြောင်းလိုင်းနဲ့ နောက်ထပ်လာပြီး ဒီနေ့ကနေပြီးတော့ ဆန် ၁၈၅ အိတ်ကို ကူညီ ထောက်ပံ့နေတာ ဖြစ်ပါတယ်။ မြောက်ဦးမြို့ရဲ့ သကျမာန် အောင် ဘုန်းကြီးကျောင်းမှာ ဆန်အိတ် တွေ အခုချိန်ထိရှိသေးတယ်။ အဲဒီထဲက ပစ္စည်းအပေ့ါတွေ၊ ခေါက်ဆွဲခြောက်တို့ အဝတ်အထည်တို့ ဖိနပ်တို့ ရေသန့်တို့ ကျွန်တော်တို့ဒီ စင်းဘောကိုင်း ရွာဆိုရင်တစ် ခြမ်းပါသွားတယ်။ အိမ်ခြေ ၂၂ အိမ်၊ ရေထဲပြုတ်ကျသွားတယ်။ အမျာ ကြီးဆိုးပါတယ်။ အခု ဒီမှာ မြင်နေရတဲ့အနေအထားထက်ပိုဆိုးတယ်။ အဲဒီရွာကို သွားရောက် ကူညီခဲ့ပါတယ်။

မေး ဘယ်ရွာတွေမှာ အကူ အညီပေးပြီး ပါပြီလဲ။
ဖြေ-ကျွန်တော်တို့က ပထမတစ်ကြိမ်ပေး တာကတော့ ရွာပေါင်း ၆၂ ရွာရှိပြီ။ ပလက်ဝ မြို့နယ်မှာ ၄ ရွာပါတယ်။ ကျန်တဲ့ ရွာတွေ ကတော့ မြောက်ဦးနယ်ထဲကပဲ။ ဒီနေ့ သွားလှူတာက ကျွန်တော်တို့ သွားတာက စင်းဘောကိုင်း ရွာရယ်၊ လက်ပြရွာရယ်။ အဲဒီနှစ်ရွာပဲ ရောက်ခဲ့ပါတယ်။

မေး-စုစုပေါင်းတန်ဖိုးငွေက ကျပ်ငွေ ဘယ်လောက်ရှိပါလဲ။
ဖြေ-တန်ဖိုးကျပ်ငွေကို တွက်ကြည့်မယ်ဆို ရင် ဆန်အိတ်တွေနဲ့ ဒါပြင်ပစ္စည်းနဲ့ဆိုရင် မြန်မာငွေကျပ် သိန်း (၂) ထောင် အထက် ကို ရှိလိမ့်မယ်လို့တော့ ခန့်မှန်းရပါတယ်။

မေး-အဲဒီ အကူအညီကို ဘယ်အဖွဲ့ကနေ ပြီးတော့ ဦးဆောင်လုပ်တာလဲ။
ဖြေ-ဘယ်အဖွဲ့အစည်းကရယ်လို့တော့ မဟုတ်ဘူး။ ကျွန်တော်တို့ ဝင်းဖလားဝါး မိသားစုပေါ့နော်။ ရခိုင်ပြည်မှာ ဖြစ်နေ တဲ့အတွက်နဲ့ ကျွန်တော်တို့ကလည်း ရခိုင်လူမျိုးဖြစ်တဲ့အတွက်နဲ့ မမြင်နိုင်၊ မနေနိုင်လို့လုပ်ဖြစ်တာပါ။ နောက်မိတ်ဆွေ သူငယ်ချင်း မင်္ဂလာဈေး၊ ပြီးတော့ မန္တလေးမှာရှိတဲ့ ကျွန်တော်တို့ရဲ့ ကိုး ကွယ်လာတဲ့ ဘဒ္ဒန္တ အရှင်ဥာဏစက္ကပေါ့ နော်။ အဲဒီဆရာတော်ကြီးရဲ့မေတ္တာခံယူပြီးတော့ ကျွန်တော် တို့ One Flower နဲ့ ဒေါက်တာမျိုးမြ၊ နောက်အသိမိတ်ဆွေတွေနဲ့ ရန် ကုန်ကနေ ကျွန်တော်တို့ ဒီကိုဆင်းလာတာပါ။

မေး-အခုလို ရခိုင်လူမျိုးတွေ ဒုက္ခရောက် နေတာကိုမြင်ရတော့ စိတ်ထဲမှာဘယ်လို ခံစားရလဲ။
ဖြေ-စိတ်တော့ မကောင်းဘူး။ ကိုယ့် ပြည်နယ်ထဲမှာ ကိုယ့်လူမျိုးတွေ ဒီလိုမျိုး ခံစားနေရတယ်ဆိုတော့ ဘယ်လိုမှ ပြောပြလို့မရတဲ့ ခံစားမှုမျိုးနဲ့ ခံစားရပါတယ်။ တစ်ခါမှလည်း မကြုံဖူးဘူး။ ဒီလိုမျိုးဖြစ်လာလိမ့် မယ်လို့လည်း ဘယ်တုန်းကမှ မအောက်မေ့မိခဲ့ပါဘူး။ အခု ဒီလို အခြေအနေမျိုးကို မြင်ရတော့ အရမ်း စိတ်ထိခိုက်ရပါတယ်။ ကျွန်တော်တို့လို စေတနာရှင် လူမှုအဖွဲ့အစည်းတွေ အပြင် လက်ရှိတော့ အစိုးရက အနည်းအကျဉ်းတော့ အ ထောက်အပံ့ ပေးနေပါပြီ။ ကျွန်တော်တို့ စရောက်တုန်းကတော့ ဘာမှ မရှိသေး ဘူး။

မေး-ညီလေးက အသယ်ငယ်သေးပေမဲ့ ပရဟိတလုပ်ငန်းတွေကို ဘယ်လိုစိတ်ဝင် စားလာခဲ့တာလဲ။
ဖြေ-အရင်တုန်းကလည်း လုပ်ပါတယ်။ ပရဟိတကတော့။ အလိုတော်ပြည့်ဆရာ တော်ဘုရားကြီးကျောင်း မှာလည်း လုပ် တယ်။ မင်္ဂလာဒုံကျောင်းမှာ အရှင်ဥာဏစက္ကရှိတုန်းကလည်း လုပ်တယ်။ အဲလို မျိုး လုပ်တာတွေရှိတာ ပေါ့။ ပရဟိတကတော့ မွန်မြတ်တဲ့ အလုပ်ဖြစ်တဲ့ အတွက် လုပ်တာ ဖြစ်ပါ တယ်။ ကိုယ့်ပြည်နယ်မှာဖြစ်နေတဲ့ အတွက် အမှန်တကယ်ဒုက္ခရောက်နေကြတဲ့ သူတွေကို ကူညီလိုတဲ့ အတွက် ရန်ကုန်ကနေ ဆင်းလာပြီး ကျေးရွာ အရောက် ကျွန်တော်တို့ဆင်းလာပြီး ကိုယ်တိုင်ကိုယ်ကျ ကူညီတာ ဖြစ်ပါတယ်။

____Narinjara

Share on Facebook Share on Twitter Share on Google Plus

About Kyauk Phru Net

This is a short description in the author block about the author. You edit it by entering text in the "Biographical Info" field in the user admin panel.