ဂီရိမုန်တိုင်း ဒုက္ခသည်များ ကူညီ ထောက်ပံ့ရေး အလှူငွေ ပေးအပ်ပွဲနှင့် မုန်းတိုင်းကြောင့် ကွယ်လွန် သွားသူများအား ရည်စူး၍ ဆွမ်းကျွေး-ရေစက်ချ အမျှဝေ ပွဲ အခမ်းအနား တရပ်ကို မလေးရှားနိုင်ငံ တွင် ကျင်းပ ပြုလုပ်ခဲ့သည်။
အခမ်းအနားတွင် ဆရာတော် ဒေါက်တာသီလ၀ံသ မှ သြ၀ါဒစကား ကို ပြောကြားပြီး ရက္ခိတလူမှု့ရေးနှင့် ယဉ်ကျေးမှူ ရံပုံငွေ(မလေးရှား) မှ ဦးထွန်းအောင်ကျော် က အမှာစကားပြောကြားခဲ့သည်။ ထိုနောက် ဘေဘေး ကူအညီ ရရှိရေးနှင့် အခမ်းအနား ဖြစ်မြောက်ရေး အတွက် အဓိက အကျိုးဆောင် ပုဂ္ဂိုလ် တစ်ဦးဖြစ်သူ ဦးဦးဘငြိမ်းမှ အခမ်းအနား ကျင်းပရခြင်း ရည်ရွယ်ချက်ကို အကျယ်တ၀င့် ရှင်းလင်း ပြောကြား သွားကြောင်း သိရသည်။
ထိုနောက် အလှူရှင်လူငယ်များက စုဆောင်းရရှိထားသော အလှူငွေ မလေးရှားးရိန်းဂစ် ၇၇၆၆ (မြန်မာ ကျပ်ငွေ ၂၁၇၄၀၀၀) အား ဆရာတော် ဒေါက်တာသီလ၀ံသ ထံသို့ လွဲပြောင်း ပေးအပ်ခဲ့ကြသည်။ မလေးရှားနိုင်ငံတွင် ဂီရိဒုက္ခသည်များ ကူညီထောက်ပံ့ရေး အတွက် ရခိုင်ဆရာတော် (၂)ပါးဖြစ်သော ဒေါက်တာ အရှင် သီလ၀ံသ ဆရာတော်နှင့် ဆရာတော် အရှင် ရာဇိန္တတို့ မှ ဦးဆောင်ပြီး အလှူငွေများ စုဆောင်းကောက်ခံနေရာ ယခုအချိန်ထိ အကူအညီ သိန်းပေါင်းကျပ် ၂၇၀ ခန့်ရရှိခဲ့ပြီ ဖြစ်သည်။
အဆိုပါ အလှူငွေများကို ရခိုင်သဟာယ အသင်းမှ တဆင့် (၃)ကြိမ်တိတိ လှူဒါန်းပေးအပ်ခဲ့ပြီး ဖြစ်သည်။
ဆက်လက်၍ အလှူငွေများအားလည်း ကောက်ခံလျှက်ရှိနေရာ ရရှိလာသော အလှူငွေများကို လေဘေးသင့် ပြည်သူများထံသို့ အလားတူ ထပ်မံပေးပို့ သွားမည်ဖြစ်ကြောင်း သတင်း ရရှိသည်။
.....
Sources: Narinjara
0 comments:
Post a Comment
မှတ်ချက်တွေကို ဖော်ပြရန် ခဏလေးစောင့်ကြပါ။