ပြည်ထောင်စု ငြိမ်းချမ်းရေး ညီလာခံသို့ ဦးအေးသာအောင် ပါတီကိုယ်စားပြု တက်ခွင့်မရ

ရန်ကုန်၊ ဇန်န၀ါရီ ၉



ဇန်န၀ါရီလ ၁၂ ရက်နေ့မှ ၁၆ ရက်နေ့ထိ ကျင်းပ ပြုလုပ် မည့် ပြည်ထောင်စု ငြိမ်းချမ်းရေး ညီလာခံသို့ ရခိုင်အမျိုးသားပါတီမှ ၀ါရင့် ခေါင်းဆောင် တစ်ဦး ဖြစ်သူ ဦးအေးသာအောင်မှာ ပါတီ ကိုယ်စားပြု တက်ခွင့်မရရှိကြောင်း သတင်း ရရှိသည်။

ရခိုင်အမျိုးသား ပါတီမှ တက်ရောက်ခွင့် သုံးဦးရရှိသဖြင့် အစပိုင်းတွင် ဦးဦးလှစော၊ ပါတီ အထွေထွေ အတွင်းရေးမှူး ဦးထွန်းအောင်ကျော်နှင့် ဦးအေးသာအောင်တို့ သုံးဦး တက်ရောက်ရန် ရွေးချယ်ထားသည်ဟု သတင်းထွက်ပေါ်ခဲ့သော်လည်း နောက်ပိုင်းတွင် ဦးအေးသာအောင် အား ချန်လှပ်ပြီး ယင်းနေရာတွင် ပါတီ ဒုဥက္ကဋ္ဌ ဦးဖိုးမင်းကို ထည့်သွင်းခဲ့သည်ဟု သိရသည်။

ရခိုင်အမျိုးသား ပါတီ ဒုဥက္ကဋ္ဌ ဖြစ်သူ ဦးဖိုးမင်းအား နိရဉ္စရာမှ ဆက်သွယ်မေးမြန်းရာ သူက “ ပါတီက လေးဦး တက်မှာပါ။ ဒေါက်တာ အေးမောင်၊ ဦးလှစော၊ ဦးထွန်းအောင်ကျော်နှင့် ဦးဖိုးမင်းတို့ ဖြစ်ကြပါတယ်” ဟု ပြောဆိုသည်။

ပါတီ ကိုယ်စားပြု တက်ရောက်မည့် ကိုယ်စားလှယ်သုံးဦးအား မေးမြန်းရာ ဦးဖိုးမင်းက “ ပါတီကို ကိုယ်စားပြုတက်ရောက်ကြမယ့်သူတွေကတော့ ဦးလှစော၊ ဦးထွန်းအောင်ကျော်နဲ့ ကျွန်တော် ဖြစ်ပါတယ်” ဟု ဆက်လက် ပြောဆိုသည်။

ဒေါက်တာအေးမောင်မှာ အပစ်ရပ် စောင့်ကြည့်ရေးအဖွဲ့ဝင် ၁၆ ဦးထဲတွင် ပါဝင်သဖြင့် သူ့အနေဖြင့် ပါတီကိုယ်စားပြု တက်ရောက်စရာ မလိုဘဲ အလိုအလျောက် ကိုယ်စားလှယ် အဖြစ် တက်ရောက်ခွင့်ရမည်ဟု သိရသည်။

ဦးအေးသာအောင်အား ဖယ်ထုတ်လိုက်သည်ဟု သတင်းရပါသဖြင့် ဟုတ်ပါသလားဟု ဆက်လက် မေးမြန်းရာ ဦးဖိုးမင်းက “ ဖယ်ထုတ်လိုက်တာ မဟုတ်ပါဘူး။ ဦးအေးသာအောင် ကို အမျိုးသားလွှတ်တော်ကနေ ဖိတ်မှာ ဖြစ်တဲ့ အတွက် ပါတီ ကိုယ်စားလှယ် တစ်ဦး နစ်နာမှာဖြစ်တာကြောင့် စာရင်းထဲမှ မထည့်လိုက်တာပါ။ သူ့က အမျိုးသား လွှတ်တော်က ဖိတ်ပါလိမ့်မယ်” ဟု သူက ပြောဆိုသည်။

ဦးအေးသာအောင်ကို ဆက်သွယ်မေးမြန်းရာတွင် သူ့အား အမျိုးသားလွှတ်တော်ကနေ ဖိတ်ကြားခြင်း မရှိကြောင်း ပြောကြားသည်။

“ အမျိုးသား လွှတ်တော်ကနေ ခေါ်လည်း ခေါ်မှာ မဟုတ်ပါ။ ဘာလို့လဲ ဆိုတော့ အမျိုးသားလွှတ်တော်ကို ခေါ်မှ မခေါ်ရသေးတာ။ ဘယ်လိုလုပ်ပြီး အမျိုးသားလွှတ်တော်ကနေ ကျွန်တော်ကို ဖိတ်မှာပါလဲ” ဟု ပြောကြားသည်။

ဦးအေးသာအောင်က မိမိမှာ ပြည်တွင်း ငြိမ်းချမ်းရေး၊ အပစ်ရပ်စဲရေး၊ တန်းတူရေးနှင့် ကိုယ်ပိုင် ပြဌာန်းခွင့်ရရှိရေး၊ ဖက်ဒရယ် ပြည်ထောင် စု ပေါ်ထွန်းရေးတို့ အတွက် အစဉ်တစိုက် ရပ်တည် ကြိုစားလာသူ တစ်ဦးဖြစ်ပြီး ယခု ညီလာခံသို့ တက်ရောက်ခွင့် မရသော်လည်း တိုင်းရင်းသား ခေါင်းဆောင်များနှင့် လက်တွဲပြီး ပြည်ထောင်စု အကျိုးအတွက် ဆက်လက် လုပ်ကိုင် ဆောင်ရွက် သွားမည် ဖြစ်ကြောင်း ပြောဆိုသည်။

၎င်းပြင် ယခု ပြည်ထောင်စု ငြိမ်းချမ်းရေး ညီလာခံသည် လက်နက်ကိုင် တိုင်းရင်းသား အဖွဲ့အစည်းအများအပြား မတက်ရောက်သဖြင့် စစ်မှန်သော ငြိမ်းချမ်းရေး ညီလာခံ တစ်ခု အဖြစ် ပြောဆို၍ မရကြောင်း ပြောဆိုသည်။

#Narinjara

Share on Google Plus

About Kyauk Phru Net

This is a short description in the author block about the author. You edit it by entering text in the "Biographical Info" field in the user admin panel.