‘‘အလယ်ရုံးနဲ့ အထက်ရုံးကတော့ ဒါဟာ နှစ်နိုင်ငံ ချစ်ကြည်ရေးကို သူတို့ရှေးရှုပြီးတော့ လွှတ်ပေးရမယ့် အနေအထားတော့ရှိတယ်’’

ထိုင်းနိုင်ငံဆိုင်ရာ မြန်မာသံအမတ်ကြီး ဦးဝင်းမောင်နှင့် တွေ့ဆုံခြင်း

Byငြိမ်းချမ်းOn  Sat, 2015-12-26 06:30Issue No.No.959 Saturday, December 26, 2015


ထိုင်းနိုင်ငံဆိုင်ရာ မြန်မာသံအမတ် ဦးဝင်းမောင် (ဓာတ်ပုံ − ငြိမ်းချမ်း)

လိပ်ကျွန်းလူသတ်မှု စွပ်စွဲခံ မြန်မာနှစ်ဦး အမှုစတင်ဖြစ်ကတည်းက ပါဝင်ဆောင်ရွက်ပေးနေသော ထိုင်းနိုင်ငံဆိုင်ရာ မြန်မာသံအမတ်ကြီးကို 7Day Daily သတင်းစာက ဘန်ကောက်မြို့ရှိ ထိုင်းနိုင်ငံဆိုင်ရာ မြန်မာသံရုံးသို့ သွားရောက်တွေ့ဆုံမေးမြန်းခွင့်ရခဲ့သည်။ သံအမတ်ကြီးသည် မြန်မာနှစ်ဦးလွတ်မြောက်ရေးအတွက် မြန်မာအစိုးရနှင့် ထိုင်းရောက်မြန်မာရွှေ့ပြောင်းလုပ်သားအရေးဆောင်ရွက်သူများကြား အဓိကပူးပေါင်းဆောင်ရွက်ပေးနေသူဖြစ်သည်။ အပြီးသတ်အမိန့်ချသည်အထိ အမှုစရိတ်ကုန်ကျငွေများအနက် ဘတ်တစ်သန်းကျော်ကို သံရုံးဘတ်ဂျက်ရန်ပုံငွေမှ စိုက်ထုတ်သုံးစွဲထားသည်ဟုလည်း ဆိုသည်။ ဦးဝင်းမောင်နှင့် တွေ့ဆုံမေးမြန်းထားသည်များမှ ကောက်နှုတ်ဖော်ပြလိုက်ပါသည်။


ထိုင်းသံအမတ်ရာထူးကို ဘယ်အချိန်ကစပြီး တာဝန်ထမ်းဆောင်ခဲ့တာပါလဲ။

နာမည်က ဦးဝင်းမောင်ပါ။ ထိုင်းနိုင်ငံဆိုင်ရာ မြန်မာ သံအ မတ်ကြီးပါ။ ၂၀၁၄ မေလမှာ ရောက်ပါတယ်။

လိပ်ကျွန်းလူသတ်မှုက တရားရင်ဆိုင်နေစဉ်မှာ မြန်မာဘက်က အသာရထားတယ်လို့ ရှေ့နေအဖွဲ့တွေက ပြောပါတယ်။ နောက်ပြီး ထိုင်းနိုင်ငံရဲ့ ဒီအင်န်အေပညာရှင်တစ်ဦးကလည်း ထိုင်းရဲတပ်ဖွဲ့စွပ်စွဲထားတဲ့ ဒီအင်န်အေတွေဟာ မတူညီဘူးလို့ ထွက်ဆိုထားပါတယ်။ ဘာကြောင့် ထိုင်းတရားသူကြီးက သေဒဏ်အမိန့်ချလိုက်တယ်လို့ ထင်ပါသလဲ။

ထိုင်းမှာ တရားဝင်တရားရုံး သုံးရုံးရှိပါတယ်။ နောက်တစ်ခါ အမြင့်ဆုံး၊ အပေါ်ဆုံးပေါ့။ ဘုရင့် လွတ်ငြိမ်းချမ်းသာခွင့်ဆိုတာရှိပါ တယ်။ အားလုံးလေးခုရှိတာပေါ့ နော်။ အမှုတိုင်း အမှုတိုင်းကို ကျွန်တော်တို့ မချခင်ကတည်းက သုံး မျိုးသုံးသပ်တာပေါ့။ တစ်ခုက လွတ်ရင် ဘာလုပ်မလဲ၊ အာမခံ ရရင် ဘာလုပ်မလဲ၊ တကယ်လို့ ပြစ်ဒဏ်ချရင် ဘာလုပ်မလဲဆို တာ ကျွန်တော်တို့ ဒီကရှေ့နေများကောင်စီအဖွဲ့ရယ်၊ နောက်မြန်မာ သံရုံးအထူးစုံစမ်းရေးအဖွဲ့သုံးဖွဲ့ ထားထားတာရှိပါတယ်။ အဲဒီအ ဖွဲ့သုံးဖွဲ့နဲ့ ကျွန်တော်တို့ ၂၀၁၄ စက်တင်ဘာလောက်က ဒီအမှုစ ဖြစ်တာပေါ့နော်။ အဲဒီကစပြီး တော့ ကျွန်တော့်ဆီက ဒုတိယ အတွင်းဝန် ဦးထွန်းအေးပေါ့။ ဒီအမှုကို စပြီး လုပ်လာတာ ဖြစ် တယ်။ ပြစ်ဒဏ်ချလိုက်တဲ့အခါ ကျတော့ ကျွန်တော်လည်း ကိုယ် တိုင်ပါဝင်လုပ်ခဲ့ရတဲ့ လူဖြစ်တဲ့ အတွက် အများနည်းတူ စိတ်မ ကောင်းဘူး။ ၀မ်းနည်းတယ်။ ဒီ ပြစ်ဒဏ်ရဲ့ ချမှတ်တဲ့ ထုံးစံအရ ဆိုရင် သူတို့ရဲ့ ရာဇ၀တ်မှုရုံးပေါ့။ မြန်မာလိုဆိုရင် မြို့နယ်ရုံးပေါ့။ အောက်ရုံးကဆိုရင် အကုန်ချရ တဲ့ ထုံးစံရှိပါတယ်။ ရှေ့ကဖြစ်ခဲ့ တဲ့အမှုတွေ လေ့လာတဲ့အခါမှာ အောက်ရုံးပြီးရင် အလယ်ရုံးလို့ ခေါ်တာပေါ့နော်။ အဆင့်မြင့်ရုံး ပေါ့။ အဲဒါပြီးရင် အယူခံဝင်လို့ရ ပါတယ်။ အဲဒီကနေတစ်ဆင့် မ ကျေနပ်လို့ ထပ်တက်ရင်တော့ ကျွန်တော်တို့ အဆင့်မြင့်ရုံးကို တက်ရမှာပေါ့နော်။ အဲဒီလိုအ ဆင့်ဆင့်ရှိပါတယ်။ ဒါပေမဲ့ ကျွန် တော်တို့ ပြစ်ဒဏ်ချတဲ့အတွက် လည်း အံ့သြမိတာပေါ့။ ဒါကြောင့် ဒီနေ့ မနက် ၀န်ကြီးချုပ်ရုံး ၀န်ကြီးဆီ သွားပါတယ်။ ၀န်ကြီး ချုပ်ကတော့ အစည်းအဝေးရှိနေ တဲ့အတွက် ၀န်ကြီးချုပ်ရုံးဝန်ကြီး Mr. Panadda Disakal နဲ့တွေ့ပါ တယ်။ ဒီကိစ္စကို နှစ်နိုင်ငံချစ်ကြည်ရေးအရ အမိန့်ချတဲ့ အနေအထားကို အံ့သြမိတဲ့အကြောင်း သွားပြောပါတယ်။ ကျွန်တော်တို့အနေနဲ့ အယူခံ ဆက်ဝင်မှာမို့ နှစ်နိုင်ငံ ချစ်ကြည်ရေးကို ရှေးရှုပြီးတော့ အိမ်နီးချင်း နိုင်ငံလည်း ဖြစ်တယ်၊ ပြစ်ဒဏ်ကိုပြန်စဉ်းစားပေးဖို့ တောင်းဆိုခဲ့ပါတယ်။ နှစ်ယောက်တည်း တောင်းဆိုခဲ့တာ မဟုတ်ပါဘူး။ သူတို့ ထိုင်းမီဒီယာတွေရှေ့မှာကို တောင်းဆိုခဲ့တာပါ။

သံအမတ်ကြီးတို့ သံရုံးအထူးအဖွဲ့ ကကော ထိုင်းနိုင်ငံသားတွေကပါ ဒီကလေးနှစ်ယောက်က လူသတ်မှုကျူးလွန်တာမဟုတ်ဘဲ အစားထိုးခံရတာပါလို့ ပြောနေပါတယ်။သံအမတ်ကြီးကကော ဘယ်လိုထင်လဲ။

ဒီကလေးတွေရဲ့ အနေအ ထား၊ အသွားအလာ၊ အလုပ်အ ကိုင်ကိုကြည့်ခြင်းအားဖြင့် ကျွန် တော်တို့ကတော့ ကျွန်တော်တို့ ကလေးတွေ မပါဘူးဆိုတာကို နဂိုကတည်းက အဆုံးအဖြတ်တွေ၊ အချက်အလက်တွေရအောင်ယူ ထားပါတယ်။ ဒီကလေးနှစ်ယောက်က လူသတ်မှုမှာမပါပါဘူး။

သေဒဏ်ချလိုက်တာနဲ့ ပတ်သက်ပြီး မြန်မာပြည်သူတွေက မကျေ မနပ်ဖြစ်ပြီး နေရာအနှံ့မှာ ဆန္ဒပြ ကန့်ကွက်မှုတွေပြုလုပ်နေကြပါတယ်။ ဆန္ဒပြကန့်ကွက်တဲ့ မြန်မာပြည်သူတွေကို သံအမတ်ကြီး ဘာပြောချင်လဲ။

ကျွန်တော် ဒီမနက်ပဲ ၀န်ကြီး ချုပ်ရုံးကို အဆက်အသွယ်လုပ် တယ်။ ဒီကိစ္စပြောဖို့ တွေ့ချင် တယ်။ တွေ့ချင်တဲ့အတွက် ကျွန် တော်သွားပါတယ်။ သူတို့ဆီက ၀န်ကြီးချုပ်ရုံးဝန်ကြီး Mr.Pana-dda Disakal ကိုတွေ့ပြီး ပြောထားပါတယ်။

မြန်မာလုပ်သားနှစ်ဦးကို သေဒဏ် ချမှတ်လိုက်တဲ့အပေါ်မှာ မြန်မာ အစိုးရက ဘာတွေဆက်လုပ်ဖို့ သံအမတ်ကြီးဆီကို ညွှန်ကြားထား တာရှိပါသလဲ။

ရှိပါတယ်။ မနေ့က ပြစ်ဒဏ် ချတော့ ကျွန်တော်တို့ နိုင်ငံခြား ရေးဝန်ကြီးဆီကို ချက်ချင်းဖုန်း ဆက်သတင်းပို့တယ်။ နိုင်ငံခြား ရေးဝန်ကြီးကလည်း သမ္မတကြီး ဆီကို သတင်းပို့တယ်။ ပို့ပြီးတဲ့ အချိန်မှာ ကျွန်တော့်ဆီကို ပြန်ပြီး ညွှန်ကြားတာကတော့ ဆက်လက်ကာကွယ်ပေးဖို့နဲ့ သက်ဆိုင်တဲ့သူ တွေနဲ့ ထိုင်းဝန်ကြီးချုပ်နဲ့ တွေ့ဆုံ ပြီးတော့ ပြောဖို့လုပ်ပါ။ ကိစ္စက အမှုကို သေဒဏ်ချလိုက်တဲ့ အ တွက် အံ့သြမိတဲ့ အကြောင်း၊ နောက်နှစ်နိုင်ငံ ချစ်ကြည်ရေးနဲ့ ပတ်သက်ပြီးတော့ ပြန်လွှတ်ပေး သင့်ကြောင်း သမ္မတကြီးက ပြော ခိုင်းလို့၊ ကျွန်တော့်ဝန်ကြီးက ညွှန် ကြားလို့ ကျွန်တော်ဒီနေ့မနက် သွားတွေ့ပါတယ်။

အဆင့်ဆင့် အယူခံ ၀င်သွားရင် ကော နောက်ဆုံးမှာ ဒီကလေးနှစ် ယောက်က ပြန်လွတ်လာမယ်လို့ ထင်လား။

ကျွန်တော်နဲ့ ကျွန်တော်တို့ရဲ့  ရှေ့နေများကောင်စီနဲ့ အဲဒီမတိုင် ခင် (အမိန့်မချခင်)က အစည်းအ ဝေးလုပ်ထားတာရှိပါတယ်။ ဘယ်လိုပဲဖြစ်ဖြစ် အောက်ရုံးက ချမှာပဲ။ချလာရင် အဆင့်မြင့်ရုံးပေါ့။ အ လယ်ရုံးပေါ့။ အဲဒီကျရင် အယူခံ ၀င်မယ်။ အဲဒီအယူခံဝင်တဲ့ ရုံးကျ ရင် ဘေးကနေပြီးတော့ အာဏာ ပိုင်အဖွဲ့အစည်းတွေ ၀င်ပြောလို့ မရတော့ဘူး။ ဒါကတော့ သူ့ ဘက်က ရှေ့နေ၊ ကိုယ့်ဘက်က ရှေ့နေတွေ သေချာပြောကြရ မယ့် အနေအထားပေါ့။ ဥပဒေအ ကြောင်းအရ ပြောရမယ့် အနေအ ထားဖြစ်တော့ ကျွန်တော့်အထင် ဒီအဆင့်မြင့်ရုံးမှာတော့ ပြစ်ဒဏ် တွေက ပြောင်းလဲသွားမှာပါ။ ကျွန်တော်တို့ မျှော်မှန်းထားတဲ့ လူသတ်မှုနဲ့ မုဒိမ်းမှုမပါဘူး။ လွတ်သွား နိုင်တယ်။ ဒီသူတို့ တိုင်းပြည်ထဲ တရားမ၀င် ခိုးဝင်မှုတို့၊ အချိန်မ တော်သွားလာမှု ပုဒ်မတွေလောက်ပဲ ကျန်ပါမယ်။ အနိမ့်ဆုံးစဉ်းစား ထားတာတော့ ကျွန်တော်တို့ အ နေနဲ့ အမြင့်ဆုံးတရားရုံးရောက် ရင်တော့ ကျွန်တော်တို့ သံခင်းတ မန်းခင်း သံတမန် လုပ်ထုံးလုပ် နည်းက ဒီအမှု ရင်ဆိုင်နေတဲ့အ ချိန်မှာ ကျွန်တော်တို့က သွားပြီး ပြောလို့မရဘူး။ ပြစ်ဒဏ်ချပြီးချိန် မှာ လွတ်ငြိမ်းချမ်းသာခွင့်တောင်း တဲ့အခါကျရင် ကျွန်တော်တို့ အစဉ်အလာလည်း ရှိပါတယ်။ ထိုင်းလူမျိုးတွေကို မြန်မာနိုင်ငံက အခါ ကြီးရက်ကြီးတွေမှာ လွှတ်ပေးတာရှိတယ်။ သူတို့လည်း ကျွန်တော်တို့ကို ပေးတာရှိတယ်။ အဲဒီကျရင် ကျွန်တော်တို့အထူးကိစ္စတစ်ရပ် အနေနဲ့ ၀င်ပြီးတော့ လွတ်မြောက်အောင် လုပ်လို့ရပါတယ်။

လိပ်ကျွန်းလူသတ်မှုကြောင့် နှစ် နိုင်ငံ ဆက်ဆံရေးကို ထိခိုက်နိုင် ပါသလား။

ဒီဟာကတော့ ကျွန်တော်တို့ ရာဇ၀တ်မှုခေါ်တာပေါ့။ ပြစ်မှု ဆိုင်ရာ ကိစ္စဖြစ်ပါတယ်။ ပြစ်မှု ဆိုင်ရာကိစ္စမှာတော့ သူတို့ရဲ့ ဥပ ဒေအရ၊ လုပ်ထုံးလုပ်နည်းအရ လုပ်တာ မှန်ပေမယ့် အိမ်နီးချင်း နိုင်ငံဖြစ်တဲ့အတွက် ဆက်ဆံရေး အပေါ်မူတည်ပြီး သူတို့ကလည်း ပွင့်ပွင့်လင်းလင်းပြောရရင်ကြည့် ပြီးတော့ ပြောသင့်တယ်။ အောက်ရုံးက ချတာတော့ သူ့ပုံစံအတိုင်း ပဲ ဖြစ်တယ်။ အလယ်ရုံးနဲ့ အထက်ရုံးကတော့ ဒါဟာ နှစ်နိုင်ငံချစ် ကြည်ရေးကို သူတို့ရှေးရှုပြီးတော့ လွှတ်ပေးရမယ့် အနေအထား တော့ရှိတယ်။ ကျွန်တော်လည်း သွားပြောထားတယ်။

သံအမတ်ကြီးအနေနဲ့ ဘာများ ဖြည့်စွက်ပြောကြားလိုပါသလဲ။

အောက်ရုံးကချလိုက်တဲ့ ပြစ်ဒဏ်ကတော့ ချလိုက်တဲ့အချိန်မှာ ကျွန်တော်တို့လည်း အံ့သြ၀မ်း နည်းတာပေါ့နော်။ နိုင်ငံတော် သမ္မတကြီးရော၊ အစိုးရအဖွဲ့ရော၊ ကာကွယ်ရေးဦးစီးချုပ်ရော၊ လွှတ် တော်ဥက္ကဋ္ဌရော ရောက်တိုင်း ရောက်တိုင်းမှာ ထိုင်းမှာတာဝန်ရှိ တဲ့သူတွေ၊ ၀န်ကြီးချုပ်ကိုလည်း မေတ္တာရပ်ခံချက်တွေ၊ ပြောဆို ချက်တွေရှိပါတယ်။ မဟုတ်တာ ကို ဒီအစားထိုးလုပ်တဲ့ ကိစ္စကို နိုင် အောင်လုပ်နိုင်ရင် ကျွန်တော်တို့ မြန်မာတွေကို လာပြီးလုပ်လို့မရ ဘူးပေါ့နော်။ လုပ်လို့မရအောင် လည်း ရှေ့လျှောက်ကာကွယ်ပေး မယ်။ အဲဒီလိုပဲ ကျွန်တော်တို့ မြန် မာအလုပ်သမားများ၊ မိသားစုများကလည်း ကိုယ့်ကိုယ်ကိုယ်စည်း ကမ်းထိန်းသိမ်းပြီးတော့ နေဖို့နဲ့ စည်းလုံးညီညွတ်ကြဖို့ ပြောလိုပါ တယ်။

ကျေးဇူးတင်ပါတယ်။        ။

http://www.7daydaily.com/

Share on Google Plus

About Kyauk Phru Net

This is a short description in the author block about the author. You edit it by entering text in the "Biographical Info" field in the user admin panel.