ပုပ်ရဟန်းမင်းကြီး ကျူးးဘားရောက်

ကျူးဘားနဲ့ အမေရိကန်ပြည်ထောင်စုကို ၁၀ ရက် သမိုင်းဝင်ခရီးစဉ်အဖြစ် စနေနေ့မှာ စတင်လိုက်တဲ့ ပုပ်ရဟန်းမင်းကြီး Francis က ကျူးဘားနိုင်ငံ ဟာဗားနားမြို့တော်ကို ရောက်ရှိသွားပြီး အချိန်အတော်ကြာ ခပ်တန်းတန်းဖြစ်နေခဲ့ကြတဲ့ အိမ်နီးချင်းနှစ်နိုင်ငံကြား ပြန်လည် သင့်မြတ်မှုဟာ တကမ္ဘာလုံးမှာ ပြန်လည်သင့်မြတ်ရေး နမူနာတခုဖြစ်သလို မျှော်လင့်ချက်တွေ ပြည့်ဝလာစေတယ်လို့ ချီးမွမ်းစကား ပြောကြားခဲ့ပါတယ်။

ဗာတီကန်ကျောင်းတော်က အဓိကအခန်းကဏ္ဍက ပါဝင်စေ့စပ်ပေးခဲ့ရာက ရရှိလာတဲ့ နှစ်နိုင်ငံကြား ဆက်ဆံရေးကိုလည်း နွေးထွေးအောင် ဆောင်ရွက်ကြဖို့ ပုပ်ရဟန်းမင်းကြီး Francis က တိုက်တွန်းခဲ့သလို တွေ့ဆုံဆွေးနွေးရေး ယဉ်ကျေးမှုရဲ့အောင်မြင်မှုလက္ခဏာတရပ် ဖြစ်တယ်လို့လည်း ပြောဆိုခဲ့ပါတယ်။

ပုပ်ရဟန်းမင်းကြီး Francis ကို ကျူးဘားသမ္မတ ရာဟူး ကတ်စထရို (Raul Castro) ကိုယ်တိုင် လေဆိပ်မှာ သွားရောက် ကြိုဆိုခဲ့သလို ကျူးဘားနိုင်ငံရဲ့ ဖွဲ့စည်းပုံဥပဒေမှာ ဘာသာရေးလွတ်လပ်မှုဟာ အရေးကြီးတယ်ဆိုတာကိုလည်း ကြိုဆိုပွဲမိန့်ခွန်းမှာ ထည့်သွင်း ပြောကြားသွားပါတယ်။

ဒီကနေ့ တနင်္ဂနွေနေ့မှာတော့ - ကျူးဘားသမ္မတ ရာဟူး ကတ်စထရိုနဲ့ သီးခြားတွေ့ဆုံမှု မတိုင်ခင် ဟာဗားနားမြို့ရဲ့ တော်လှန်ရေးရင်ပြင်မှာ လူထုကို တရားဟောကြားမှာ ဖြစ်ပါတယ်။

ကျုးဘားနိုင်ငံမှာ ဘာသာရေး ကိုးကွယ်မှုကို တရားဝင် လက်ခံမထားပေမဲ့လည်း ရိုမန်ကက်သလစ် ဘုရားကျောင်းကို ပြန်လာမယ်လို့ ဒီနှစ် အစောပိုင်းမှာပဲ ကတိပေးထားတဲ့ ပုပ်ရဟန်းမင်းကြီးကို ကျူးဘားသမ္မတက လေးစားကြည်ညိုနေတာပါ။ အမေရိကန် ပြည်ထောင်စု ဝါရှင်တန်ကို ခရီးမဆက်မီ ၃ ရက်ကြာ ကျူးဘားနိုင်ငံခရီးစဉ်အတွင်း ဟိုဂင် (Hoguin) နဲ့ စန်တီယေးဂိုး (Santiago) မြို့တွေကိုလည်း ပုပ်ရဟန်းမင်းကြီး သွားရောက်ပြီး တရားဟောကြားဖို့ ရှိသလို ခရစ်ယာန်ဘာသာရေး ခေါင်းဆောင်တွေနဲ့လည်း တွေ့ဆုံမှာ ဖြစ်ပါတယ်။

http://burmese.voanews.com/

Share on Google Plus

About Kyauk Phru Net

This is a short description in the author block about the author. You edit it by entering text in the "Biographical Info" field in the user admin panel.