သက္ကရာဇ် ၆၈၈ ခုနှစ်တွင် မင်းလျင်စောသည် သရက်မြို့ကိုတည်၍နိန်သည်။ သက်လူမျိုးများကိုအုပ်စိုးသောကြောင့် သက်မင်းဟုကျော်စောသည်။ သက်မင်းလျင်စောတွင် စောစုံ၊ စောဖြူ၊ စောတူဟု သားတော်သုံးပါးဟိပါသည်။
သက်ရို့သည်ရခိုင်ရိုးမတောင်စဉ်တောင်တန်းဟိ ကျေးရွာများကိုလားရောက် တိုက်ခိုက်ဖျက်ဆီးကြသည်။ ထိုအခါ ရခိုင်ဘုရင်မင်းထီးသည် အမတ်ကြီးရာဇစည်သူသင်္ကြကိုစီလွှတ်၍သရက်ကိုအတိုက်ခိုင်းသည်။
သက္ကရာဇ် ၆၉၅ ခုတွင် အမတ်ကြီးသည် စစ်သည်ဗိုလ်ပါအများနှင့် ရိုးမတောင်ကိုဖြတ်ကျော်ချီတက်ကာ သက်မင်းလျင်စောအား သားတော်သမီးတော် မိဖုရား မောင်းမရို့နှင့်အတူ ပရိယာယ်ဖြင့် အလွယ်တကူ ရခိုင်သို့ယူဆောင်လီသည်။
မင်းလျင်စောလည်းရခိုင်သို့ရောက်လျှင် သားတော်သုံးပါးရို့ကို ပိဋကတ် ဗေဒင်တတ်သော သူမြတ်ဝယ်အပ်လီ၏။ မင်းသားသုံးပါးလည်း ပိဋကတ် ဗေဒင်သင်၍တတ်လီလျှင် ဆရာသူမြတ်အိပ်မက်မြင်တော်မူ၏။ နောင်တော်အကြီးစောစုံသည် စမုန်မြစ်ရီကိုသောက်၍ ကုန်သည်ဟုမက်၏။ ညီတော်အလတ် စောဖြူသည် ဖိုးဦးမော်ရီကိုသောက်၍ကုန်သည်ဟု မက်၏။ ညီတော်အငယ် စောတူသည် အဝမြစ်ရီကိုသောက်၍ ကုန်သည်ဟု မက်၏။ ဆရာသူမြတ်လည်း မင်းသုံးပါးကိုခေါ်၍ -အမောင်ရို့လည်းစစ်ကိုင်း၊ ပင်းယသို့လား၍နိန်ကတ်လီ။ မင်းဂျည်းဖြစ်လိမ့်မည်။ မင်းဖြစ်လျှင် ငါ့ကိုမမိန့်ပါနှင့်-ဟုမိန့်တော်မူ၏။ မင်းညီနောင်သုံးပါးရို့လည်း ခမည်းတော် မယ်တော်ရို့ကိုလျှောက်၍ သက္ကရာဇ် ၇၀၅ ခုတွင် အရှေ့ပြည်သို့လားကြလီသည်။ စစ်ကိုင်း၊ ပင်းယသို့ရောက်လျှင် စောစုံသည် မြင့်စိုင်းမြို့ကိုစားရသည်။ စောဖြူသည် ပြည်မြို့ကိုစားရသည်။ စောတူသည် အမြင့်မြို့ကို တရဖျားစောက် အမည်နှင့် စားရသည်။
နောင်သောအခါ အမြင့်တရဖျားစောကဲသည် အဝမြို့တွင် မင်းကြီးစွာစောကဲအမည်နှင့် မင်းဖြစ်လီသည်။ မင်းကြီးစွာစောကဲသည် ပညာဟိကိုချစ်တော်မူတတ်သည်။ ပညာဟိစကားကို နားထောင်နားထောင်တော်မူတတ်သည်။ မင်းကြီးလက်ထက်တွင် စဉ်းတပစ်အမတ်နှင့် ဝန်စင်းမင်းရာဇာရို့သည် မင်းတိုင်ပင်ပညာဟိများဖြစ်ကြသည်။ မင်းဖြစ်၍ (၁၆)နှစ်ဟိသောအခါ မင်းကြီးသည် မိမိ၏ ငယ်ဆရာ ရခိုင်သူမြတ်ကို သတိရ၍ နိန်ပြည်တော်သို့ပင်ခေါ်ကာ မဟာသင်္ဃရာဇာဟူသော တံဆိပ်နာမံကပ်လှူပြီးလျှင် ကိုးကွယ်တော်မူလီသည်။
ထိုမဟာသင်္ဃရာဇာ တံဆိပ်နာမံကို ခံယူတော်မူသည့် ရခိုင်သူမြတ်သည် မင်းသားသုံးပါးကို စာပီချစဉ်အခါက လောကသာရပျို့ကိုစီကုံးကာ မင်းသားအားသင်ကြားပီးလီသည်။
ဤကား ဦးကုလားရာဇဝင်၊ဓညဝတီအရေးတော်ပုံ၊ သာသနာလင်္ကာရစာတန်းရို့နှင့် အညီဖြစ်သော လောကသာရပျို့နှင့် ပျို့ဆရာရို့၏ အတ္ထုပ္ပုတ္တိပေတည်း။
>>> Credit to လောကသာရပျို့နှင့်ပျို့ဆရာရခိုင်သူမြတ်ရို့၏အတ္ထုပ္ပတ္တိ
0 comments:
Post a Comment
မှတ်ချက်တွေကို ဖော်ပြရန် ခဏလေးစောင့်ကြပါ။