ရခိုင်အမတ်တွေကို အတုယူစေချင်

မျိုးသာထက်
Thu, 06/02/2016
ဓာတ်ပုံ-မင်းမင်း

ရခိုင်အမတ်များသည် ပြည်ထောင်စုအဆင့် လွှတ်တော်များတွင် တတိယမြောက်အင်အားအကြီးဆုံး ပြည်သူ့ကိုယ်စားလှယ်အုပ်စုဖြစ်သော်လည်း လွှတ်တော်တွင်း၌ အာဏာရပါတီဖြစ်သည့် အင်န်အယ်လ်ဒီနည်းတူ စွာနိုင်သည်ကို တွေ့ရသဖြင့် အင်အားသည် ပဓာနမဟုတ်၊ လုပ်ရည်ကိုင်ရည်သာ ပဓာနဖြစ်သည်ဆိုသည့် ထုံးနည်းလမ်းနှင့်ကိုက်ညီလှပေသည်။   ပြည်ထောင်စုလွှတ်တော်အမတ်များလည်းဖြစ်ကြသည့် ရခိုင်အမတ်များသည် ပြည်သူ့ကိုယ်စားလှယ်ပီသစွာ မေးခွန်းများမေးမြန်းခြင်း၊ အဆိုများတင်သွင်းခြင်းကို အချိန်ကိုက် ဆက်တိုက်ဆောင်ရွက်နေကြသည်ကိုလည်း လွှတ်တော်အစည်းအဝေးများကို မပြတ်တမ်းစောင့်ကြည့်ပါက အားရဖွယ်မြင်တွေ့ရမည်ဖြစ်သည်။

တကယ်တမ်း ပြည်ထောင်စုအဆင့်လွှတ်တော်များသည် အင်န်အယ်လ်ဒီလွှတ်တော်များဟု ခေါ်ထိုက်အောင် ပင်နီများလွှမ်းနေပြီး အင်န်အယ်လ်ဒီသည် ရွေးချယ်ခံလွှတ်တော်အမတ်စုစုပေါင်း၏ ၈၀ ရာခိုင်နှုန်းခန့်ဖြင့် လွှတ်တော်များအတွင်း နေရာယူထားသည်။ ပြည်ထောင်စုလွှတ်တော်တွင်း ရွေးချယ်ခံအမတ်များကြားတွင် ရခိုင်အမတ်များသည် အင်အားအရာနှင့်နှိုင်းဆလျှင် အင်န်အယ်လ်ဒီကို မည်သို့မျှ လိုက်မမီသော်လည်း လုပ်ရည်ကိုင်ရည်တွင်မူ ရခိုင်ပြည်သူများအားတက်အောက်အောင် စွမ်းဆောင်ရည်ပြည့်ဝလှသည်။ ရခိုင်အမတ်များကို ဤနေရာတွင် တင်စားရေးသဖြင့် အခြားအမတ်များ သို့မဟုတ် တပါးသော ပြည်သူ့ကိုယ်စားလှယ်များ အလုပ်မလုပ်ဟု မပြောလိုပါ၊ ရခိုင်အမတ်များက လွှတ်တော်တွင်း၌ ထင်းလင်းနေခြင်းကိုသာ ပြောလိုရင်းဖြစ်သည်။

ဇွန် ၂ ပြည်သူ့လွှတ်တော်အစည်းအဝေးများတွင် ရခိုင်အမတ်များဖြစ်ကြသော ဦးဖေသန်းနှင့် ဦးဘရှိန်တို့က မေးခွန်းများ မေးမြန်းခဲ့ပြီး၊ ပြည်ထဲရေးဒုတိယ၀န်ကြီး ဗိုလ်ချုပ်အောင်စိုးက ပြန်လည်   ဖြေကြားခဲ့သည်။ ဒုတိယ၀န်ကြီး၏ ဖြေကြားချက်များသည် ဆင်းသွားခဲ့ရသော အစိုးရလက်ထက် ၀န်ကြီးများ ဖြေကြားပုံနှင့် မကွာခြားခြင်း၊ အောက်ခြေမြေပြင်တွင်   ဖြစ်ပျက်နေသော အခြေအနေများနှင့် ကွာဟနေခြင်းနှင့် စီစဉ်လာသော စာရွက်ကို ဖတ်ပြခြင်းလောက်သာ ရှိနေသဖြင့် ရခိုင်အမတ်များက ထပ်ဆင့်မေးခွန်းများ မေးကြသောအခါ ဗိုလ်ချုပ်အောင်စိုးမှာ တိတိကျကျနှင့် တိုက်ရိုက်ဆန်သော အဖြေကို ဖြေကြားခဲ့ရသည်။ ရခိုင်အမတ်များသည် ပြည်သူ့ကိုယ်စားလှယ်များပီပီ ဒုတိယ၀န်ကြီး၏ မတင်မကျအဖြေကို ဘ၀င်မကျခဲ့ကြသဖြင့် ထပ်ဆင့်ရှင်းလင်းစေခြင်းဖြစ်သည်။

မြေပုံအမတ် ဦးဖေသန်း၏ ဆင့်ကဲမေးခွန်းမှာ မျက်မှောက်ကာလနှင့် ကိုက်ညီသော မေးခွန်းလည်းဖြစ်သည်။ ယခင်စစ်အစိုးရများလက်ထက် သို့တည်းမဟုတ် စစ်အစိုးရမှ အသွင်းပြောင်းအစိုးရလက်ထက်တွင် ဖမ်းဆီးထောင်ချခံရသူ နိုင်ငံရေးအကျဉ်းသားဆိုသည်ကို မရှိသယောင်နှင့် ထားခဲ့ကြပြီး၊ နောက်ဆုံးတွင်မှ မဖြစ်မနေ၀န်ခံကြရသော်လည်း ပြစ်မှုတခုခုနှင့် ငြိစွန်းသူများသာဖြစ်ကြောင်း၊ အခြားအကျဉ်းသားများနှင့် အတူတူပင်ဖြစ်ကြောင်း ပြည်ထဲရေးဝန်ကြီးက အစဉ်တစိုက်ဖြေကြားခဲ့သည်။ အမှန်တော့၊ ဘယ်ဟုတ်မလဲလေ၊   နိုင်ငံရေးအကျဉ်းသားဆိုသည်မှာ သူ့ကိုယ်ကျိုးမပါဘဲ တိုင်းပြည်နှင့်လူထုကောင်းရာကောင်းကျိုး ဆောင်ရွက်သူများဖြစ်ပြီး၊ သူတို့တွင် သိသာထင်ရှားသော ဂုဏ်ပုဒ်များရှိနေသောကြောင့် သူခိုးလူဆိုးစသည့် ရာဇာဝတ်အကျဉ်းသားများနှင့် မည်သို့တန်းညှိနိုင်ပါမည်နည်း။

ဦးဖေသန်းမေးခွန်းမှာ နောက်ဆက်တွဲမေးခွန်းမှာ ဤသို့ဖြစ်သည်။ ``ဒုတိယ၀န်ကြီး ဗိုလ်ချုပ်အောင်စိုးက နိုင်ငံရေးအကျဉ်းသား စကားရပ်၏အဓိပ္ပာယ်ကို ဖွင့်ဆိုရန် အစီအစဉ်မရှိဟု ဖြေထားရာ ယင်းအဖြေသည် (အင်န်အယ်လ်ဒီ) အစိုးရအဖွဲ့၏ သဘောထားလား၊ ပြည်ထဲရေးဝန်ကြီး (ဌာန) ၏ သဘောထားလား`` ဟု မေးခဲ့ခြင်းဖြစ်သည်။ ဤတွင် ပြည်ထဲရေးဒုတိယ၀န်ကြီးမှာ တိတိကျကျ ဖြေကြားရတော့သည်။ ``၀န်ကြီးတာဝန်ပေးသဖြင့် ဆိုခဲ့ပါအတိုင်း ဖြေခဲ့ခြင်းဖြစ်ပြီး၊ ယခုကဲ့သို့ ထပ်ဆင့်မေးမြန်းလာသဖြင့် ၀န်ကြီးထံ ပြန်လည်တင်ပြပြီး၊ အစိုးရအဖွဲ့၏ သဘောထားကိုပါ မေးမြန်းကာ ဖြေကြားပါမည့်အကြောင်း`` ဖြေကြားရာ ဗိုလ်ချုပ်အောင်စိုး၏ ပါးနပ်လိမ္မာမှုကို တွေ့ရသည်။ ရခိုင်အမတ်၏ ထပ်ဆင့်မေးခွန်းသည် အင်န်အယ်လ်ဒီအစိုးရတဖွဲ့လုံးနှင့် ဒုတိယဗိုလ်ချုပ်ကြီးကျော်ဆွေက ပြည်ထဲရေးဝန်ကြီးအဖြစ် ဆောင်ရွက်သော ပြည်ထဲရေးဝန်ကြီးဌာနကြား ခြားနားလိုက်ခြင်းဖြစ်ရာ ဗိုလ်ချုပ်အောင်စိုးက ပြန်စိစေမည့်အဖြေကို လွှတ်တော်တွင်း ပေးခဲ့ခြင်းဖြစ်သည်။

မည်သို့ဆိုစေ ဇွန် ၂ ပြည်သူ့လွှတ်တော်အစည်းအဝေးများကို ကြည့်ရသည်မှာ ပြည်သူများအတွက် အားတက်ဖွယ်ဖြစ်သည်။ ပြည်သူ့ကိုယ်စားလှယ်များသည် ပြည်သူများနှင့်တိုင်းပြည်ကို မျက်နှာမူသော အရည်အချင်းရှိသော လွှတ်တော်အမတ်များဖြစ်ကြောင်း ရခိုင်အမတ်များ၏အားဖြင့် ထင်ရှားစေသည်။ အခြားသောအမတ်များနှင့် အင်န်အယ်လ်ဒီအမတ်များသည်လည်း   ကောင်းမွန်သော   ပြည်သူ့ကိုယ်စားလှယ်များ ဖြစ်ပါသည်၊ ပြည်သူများက ရွေးချယ်လိုက်သဖြင့်သာ လွှတ်တော်တွင်း ရောက်လာကြသူများဖြစ်ရာ ၎င်းတို့၏စေတနာနှင့် အလုပ်လုပ်နိုင်စွမ်းရည်မှာလည်း ရုတ်ချည်းမဟုတ်သော်မှ တဖြည်းဖြည်းပေါ်လာမည်ဟု ယုံကြည်ပါသည်။ ဇွန် ၂ ပြည်သူ့လွှတ်တော်အခင်းအကျင်းတွင်မူ ရခိုင်အမတ်များ၏ ပြည်သူ့ကိုယ်စားလှယ်ပီသမှုကို မြင်တွေ့ရသဖြင့် ချီးပခြင်းဖြစ်ပါသည်။ ပြည်သူ့ကိုယ်စားလှယ်များက တာဝန်ကျေလေ လွှတ်တော်၏အဓိက တာဝန်တရပ်ဖြစ်သော အစိုးရအဖွဲ့ကို ကောင်းစွာထိန်းကျောင်းနိုင်လေဖြစ်ရာ ရခိုင်အမတ်များအား တခြားအမတ်များကလည်း အားကျပါမည့်အကြောင်း မဇ္ဈိမက တိုက်တွန်းလိုက်သည်။

http://mizzimaburmese.com/article/14799#sthash.kUEwrjc3.dpuf

Share on Google Plus

About Kyauk Phru Net

This is a short description in the author block about the author. You edit it by entering text in the "Biographical Info" field in the user admin panel.