(၅)နှစ်မြောက် ရက္ခိုင့်တပ်မတော် တပ်မတော်နိ ရက္ခိုင့်တပ်မတော် ခေါင်းဆောင်၏ မိန့်ခွန်း

(၅)နှစ်မြောက် ရက္ခိုင့်တပ်မတော် တပ်မတော်နိ
ရက္ခိုင့်တပ်မတော် ခေါင်းဆောင်၏ မိန့်ခွန်း

၂၀၀၉၊ ဧပြီလ(၁၀)ရက်နိမှာရက္ခိုင့်တပ်မတော်ကိုစတင်ဖွဲ့စည်း တည်ထောင်ခရေအတွက် ငရို့ ရက္ခိုင့်တပ်မတော်အတွက် အလီးအနက်ထားအပ်တေနိထူးရက်မြတ်တစ်ရက်ဖြစ်တေ။ ဒေတပ်မတော်နိ အခမ်းအနားကိုကျင်းပခြင်းဖြင့် တပ်မတော်တည်ထောင်ခရေရည်ရွယ်ချက်၊ အခြီခံသဘောထားတိနန့် ရဲဘော် ရဲမယ်များ၏ တော်လှန်ရီးခံယူချက်နှင့် အမျိုးသားရီးတာဝန် အသိတရားတိကိုပိုမိုခိုင်မာမြင့်တင်လာစီဖို့ ရည်ရွယ် ထားဟိရေ။ အခြားတစ်ဘက်မှာမိမိရို့ ရက္ခိုင်လူထုကိုတော်လှန်ရီး၊ အမျိုးသားရီးစိတ်ဓာတ် နိူးကြားရီးအတွက် တပ်လှန့်နှိုးဆော်ရာ လည်းရောက်တေ။ တစ်နည်းအားဖြင့် ရက္ခိုင့်တပ်မတော်နိအခမ်းအနားနှင့် ရက္ခိုင့် တပ်မတော်၏အောင်ပွဲများမှသည် အမျိုးသားလွတ်မြောက်ရီးနိသို့ ချီတက်လျှောက်လှမ်းနိူင်ရီးအတွက်စိတ်သစ် ဉာဏ်သစ်လောင်းရာ
ရောက်စီရေ။

အခြီအနီအကြောင်းကြောင်းကြောင့် ရက္ခိုင့်တပ်မတော်နိအခမ်းအနား ကို ဇာနီရာဇာဒေသမှာပင်ကျင်းပ သည်ဖြစ်စီသေချာစွာကတော့မိမိရို့သည် ရက္ခိုင်အမျိုးသားတပ်မတော်အဖြစ် အကောင်းဆုံးစွမ်းဆောင်ကြိုးစား အားထုတ်လို့ဟိနီရေ။
ရဲဘော်ရို့အားလုံးသိကတ်တေအတိုင်းငရို့အဖရက္ခိုင်ပြည်ကြီးရေအမြင် အားဖြင့်ရန်သူနှစ်ဘက်ကြားမှာ ညှပ်ပြီးကေအကျပ်အတည်းပေါင်းစုံနဲ့ ဒုက္ခရောက်နီရေ။ သို့သော်ရက္ခိုင်အမျိုးသားရီးအားကောင်းမောင်းသန် နဲ့ တော်လှန်ရီးနလံမထနိူင်ဖြစ်နီရခြင်း၏ အဓိကလက်သည်တရားခံသည် အသားထဲကလောက်တိ၊ သစ္စာဖောက် တိ၊ အချောင်သမားတိ၊ မျိုးချစ်မျက်နှာဖုံးစွပ်ထားရေစံရဖွေတိကြောင့်ဖြစ်တေ။ ဒေအတွင်းရန်သူတိကို လိုအပ်ကေလိုအပ်တေပိုင် ကိုင်တွယ်ကတ်ရဖို့ဖြစ်တေ။
၎င်းနည်းတူဗျာယ် စာအုပ်ထဲကဖတ်ဖူးမှတ်ဖူးရေပို့စ်မော်ဒန်(Post Moden)သီအိုရီတိနဲ့ အနာနဲ့ဆီး တတည့်မကျရေအတတ်လွန်နိူင်ငံရီး၊ တတိယအင်အားစုဖြစ်လိုရေငါသိ၊ ငါတတ်ပုဂ္ဂိုလ်တိပင်လျှင် အမျိုးသားရီး ပျော့ကွက်တိအဖြစ် စိတ်ဝမ်းကွဲမှု အက်ကြောင်းဖန်တီးသူ တိ ဖြစ်လာနိူင်ရေဆိုစွာကို လည်းအထူးသတိထား ဖို့လိုအပ်တေ။
ဂနိရက္ခိုင်လူမျိုးတိမျက်မှောက်ကြုံတွိနီရေအနီအထားအရဒီမိုကရေစီတော်လှန်ရီးသည်လည်းကောင်း၊ တစ်ခြားတစ်ခြားသောအခွင့်အရီးလှုပ်ရှားမှုတိ သည်လည်းကောင်းငရို့အတွက်ပထမဦးစားပီးမဟုတ်။အမျိုးသား ရှင်သန်ရီးနှင့် လွတ်မြောက်ရီးသည်သာလျှင် အဓိကပဓာနဖြစ်တေ။

ရက္ခိုင့်တပ်မတော်သည် ပြည်သူလူထုတစ်ရပ်လုံးနဲ့ လက်တွဲလျှက် အခက်အခဲများနှင့် စိန်ခေါ်မှု အပေါင်းအားဖြတ်ကျော်ပြီးအောင်ပွဲ မရကေရအောင် တိုက်ပွဲဝင်လားရဖို့ဖြစ်တေ။ အမျိုးသားရီးအကျပ် အတည်းပေါင်းစုံကပ်ဘီးဆိုက်နီရေလူမျိုးတစ်မျိုးအတွက် ကဏ္ဍတိုင်းမှာလိုအပ်ချက်တိဟိရေ။ကျန်းမာရီး၊ စီးပွားရီး၊ ပညာရီး၊ စာပီယဉ်ကျေးမှု အစဟိသဖြင့်ကဏ္ဍ တိုင်းမှာလိုအပ်ချက်တိဟိရေ။

သို့သော် ငရို့တိအနီနဲ့ အဓိကနဲ့ သာမညကိုခွဲခြားအစီအစဉ်ချ လုပ်ကိုင်လားဖို့ လိုအပ် တေ။ရက္ခိုင်နိူင်ငံတော် ကျဆုံးလားခ စွာရေရက္ခိုင့်ယဉ်ကျေးမှုဌာန ပြိုကွဲလားခလို့မဟုတ်။ ကျန်းမာရီးဌာန ပြိုကွဲလားခလို့ လေ့မဟုတ်။ရက္ခိုင့်တပ်မတော် ကျယှုံးလားခလို့ဖြစ်တေ။ “ကျွန်ခံနီရရေလူမျိုးတစ်မျိုးအတွက် တော်လှန်ရီးထက် အရီးကြီးရေ လုပ်ငန်းမဟိ။ ကျူးကျော်ခံနီရရေတိုင်းပြည်တစ်ပြည်အတွက် ခိုင်မာရေ တပ်မတော်တစ်ရပ်ကိုအချိန်မီတည်ဆောက်ပိုင်ဆိုင်ထားရီးသည်မိမိရို့၏ သီရီးရှင်ရီးအဆုံးအဖြတ်နဲ့ အနာဂတ် ၏အာမခံချက်ပင်ဖြစ်ရေ။ ရဲဘော်ရို့ငရို့ ဒေနိထမ်းဆောင်နီရရေတပ်မတော် တည်ဆောက်ရီး တာဝန်သည် ရက္ခိုင်တစ်မျိုးသားလုံးမျှော်လင့်ချက်နဲ့ သီရီးရှင်ရီး အဆုံးအဖြတ်လုပ်ငန်းတာဝန်ကြီးဖြစ်တေဆိုစွာကိုမမိန့်မလျှော့ မပေါ့ဆဘဲ စွန့်လွတ်စွန့်စားအနစ်နာခံတာဝန်ကျီပွန်ကတ်ဖို့ အလီးအနက်မှာကြားလိုရေ။
ရက္ခိုင့်တပ်မတော်သည်အမျိုးသားညီညွတ်ရီးလုပ်ငန်းစဉ်ကိုတပ်တည်ဆောက်ရီးလုပ်ငန်းနဲ့အတူကျားကုတ်ကျားခဲ အကောင်အထည်ဖော်
ဆောင်ရွက်လို့ဟိရေ။ အလားအလာကောင်းရေလမ်းစတိကို လည်း ရောက်ဟိလာဗျာယ်ဖြစ်တေ။သို့သော် ညီညွတ်ရီးလုပ်ငန်းစဉ်သည် သဘောတရားရီးအရပြောဆိုနီခါ လွယ်ကူ သလောက် လက်တွိ အကောင်ထည်ဖော်တည်ဆောက်မှုအပိုင်းမှာလွန်စွာမှသိမ်မွေ့ကြောင်းသိဟိလာရရေ။ ညီညွတ်ရီးကိုအကြောင်းပြပြီးကိုယ်ကျိုးရှာအမြတ်ထုတ်လိုသော အချောင်သမားလူယုတ်မာများ၊ တော်လှန်ရီးသမားမျိုးချစ်နာမည်ခံဗျာယ် ကြုံကေကြုံပိုင် တစ်ခါပြင်ကြုံတိုးတိနဲ့ ကြုံတွိနီရရေ။

အခက်အခဲအများကြီးဟိနီကေလေ့သော့ ဒေလုပ်ငန်းစဉ်ကိုမလွဲမသေ တည်ဆောက်ကတ်ရဖို့ဖြစ်တေ။ ညီညွတ်ရီးလုပ်ငန်းတာဝန် အထမြောက်အောင်မြင်လာရီးအတွက် ငရို့ရက္ခိုင့်တပ်မတော် သည် ပြည်သူလူထု တစ်ရပ်လုံးနဲ့အတူအမျိုးသားရီးအပေါ် တာဝန်ခံမှု၊ တာဝန်ယူမှု အပြည့်အဝဟိသော ဇာအဖွဲ့အစည်းမျိုးနှင့်မဆိုလက်တွဲ လုပ်ကိုင်လားဖို့ဖြစ်တေ။အမျိုးသားချွတ်ခြုံကျနီရေအခြီအနီက ရုန်းထွက်ရီး၊ လွတ်မြောက်နိူင်ရီးအတွက်၊ ရက္ခိုင်တစ်မျိုးသားလုံးပါဝင်ရေ အမျိုးသားရီးလှုပ်ယှားမှုကြီး(National Movement) ဖြစ်လာအောင် ကြိုးစားလားရဖို့၊ အရီးကြီးရေကဏ္ဍအသီးသီးကို ဇောက်ချ လုပ်ကိုင် ပေါင်းစည်း ညှိနှိုင်းမှုတိနဲ့ အမျိုးသားရီးကိုစနစ်တကျ ညီညီညွတ်ညွတ်အကောင်အထည်ဖော်တည်ဆောက်လားကတ်ရဖို့။

ရဲဘော်ရို့

အဂုလက်ဟိရက္ခိုင်လူမျိုးများ၏ အခြီအနီသည် လုံးဝအတိမ်းအစောင်း မခံနိူင်ရေအနီအထားတစ်ခု ဖြစ်တေ။အလွယ်တကူနဲ့ရန်သူ၏ ထောင်ချောက် ထဲကိုဝင်လားနိူင်ရေအတွက် မိမိရို့မှာပီပြင်ရေလမ်းစဉ်၊ မှန်ကန်စနစ် ကျရေဦးဆောင်မှုအောက် ရက္ခိုင်တစ်မျိုးသားလုံးညီညွတ်စွာနဲ့ ရပ်တည်ဖို့၊ တိုက်ပွဲဝင်ဖို့ လိုအပ်တေ။

မိမိရို့ ရင်ဆိုင်နီကတ်ရရေအခက်အခဲတိ၊ ပြဿနာတိ၊ အနာဂတ်စိန်ခေါ်မှု တိကိုဖြီယှင်းနိူင်ဖို့အတွက် တစ်မျိုးသားလုံးလက်စွဲလက်ကိုင်ပြုရဖို့။ ရက္ခိတလမ်းစဉ်ကိုပီပြင်စွာချမှတ်ဖို့လိုအပ်တေ။ယင်းလိုအပ်ချက် တိကို ဖြည့်ဆည်းနိူင်ဖို့အတွက် မကြာခင်ရက်ပိုင်းအတွင်းကျောက်ဖြူမြို့မှာ ကျင်းပဖို့ဟိရေရက္ခိုင်အမျိုးသားညီလာခံအားအပြည့်အဝထောက်ခံကြောင်း
ပြောကြားလိုရေ။

ညီလာခံကချမှတ်လာမည့် အမျိုးသားရီးမဟာဗျူဟာ၊ နည်းဗျူဟာများ၊ ဆုံးဖြတ်ချက်များ၊ လုပ်ငန်းစဉ် များကိုအကောင်အထည်ဖော်ဆောင်ရွက်မှု အခန်းကဏ္ဍမှာလည်းစွမ်းစွမ်းတမံလက်တွဲဆောင်ရွက်လားဖို့ဖြစ် ကြောင်း အလီးအနက်ပြောကြားလိုရေ။ယင်းကြောင့် အမျိုးသားညီလာခံအထမြောက်
အောင်မြင်နိူင်ရီးအတွက် အဖက်ဖက်မှ ဝိုင်းဝန်းကူညီလားဖို့ဖြစ်တေ။
ဂနိ မြန်မာနိူင်ငံရီးအခြီအနီမှာလေ့သော့ နိူင်ငံရီးအပြောင်းအလဲများ ပြုလုပ်နီသည် ဆိုသော်ငြားလည်းသေချာရေရာမှုမဟိသော၊ မှန်းဆရခက်သောပြောင်းလဲမှုတိရာဖြစ်တေ။ဒေကြားထဲမှာမိမိရို့ ရက္ခိုင်ပြည်သူများနှင့် ကြိုတင်ပြင်ဆင်မှုများ ပြုလုပ်ကာသတိကြီးကြီးနဲ့ တပ်လှန့်ထားဖို့ လိုအပ်တေ။အတုအယောင် အခွင့်အရီးများနောက်ကို လိုက်ယင်း၊ ရန်သူ့ထောင်ချောက်ထဲသို့ မဝင်မိစီဖို့ ထပ်လောင်း သတိပီးပြောကြားလိုရေ။

နိဂုံးချုပ်အနီနဲ့ ပြောကြားလိုစွာကအကြောင်းအမျိုးမျိုးကြောင့် ဇာတိမြီကိုစွန့်ခွာလားရောက်နီကတ် ရရေရက္ခိုင်လူမျိုးတိ အဖပြည်ကို ပြန်လာနိူင်ရီးအတွက် ကြိုးစားဆောင်ရွက်ကတ်ဖို့နဲ့ အမျိုးသား တော်လှန်ရီးသတိကိုလက်မလွတ်ကတ်စီဖို့အားထုတ် ကတ်စီလိုရေ။ ညီညွတ်ရီးကိုတည်ဆောက်စွာမှာ လေ့သော့ အတိတ်ကာလမှ ရဟိပြီးသားသင်ခန်းစာများကိုသတိလက်မလွတ်ကတ်စီဖို့ တိုက်တွန်းလိုရေ။ စုစည်းကျစ်လစ်ခိုင်မာမှုနှင့် အမိန့်နာခံမှု အားကောင်းသော၊ တော်လှန်ရီးသစ္စာတရား ပြည့်ဝသော ရက္ခိုင့်အမျိုးသား တပ်မတော်အဖြစ် ပီပြင်စွာပေါ်ပေါက်လာစီရန် ကြိုးစားတည်ဆောက် ကတ်ရဖို့ဖြစ်တေ။ လက်နက်ကိုင်တပ် အသီးသီးသို့ပြန့်ကြင်းရောက် ဟိလားကတ်တေရက္ခိုင်စစ်သည်များအားလုံးရက္ခိုင့် တပ်မတော် နဲ့ အတူတစ်စည်းတစ်လုံးတည်း ပူးပေါင်းပါဝင်နိူင်ရီး အတွက် ကြိုးပမ်း ကတ်ရဖို့ဖြစ်တေ။

ရက္ခိုင်အမျိုးသားညီလာခံအထမြောက်အောင်မြင်ရီး၊ ရက္ခိတလမ်းစဉ် ချမှတ် အကောင် အထည် ဖော်ဆောင်ရွက်ရန် အမျိုးသားညီညွတ်ရီး လုပ်ငန်းစဉ်ဖော်ဆောင်ရီးရို့အတွက်အားလုံးလက်တွဲချီတက် တိုက်ပွဲ ဝင်ကတ်ပါလို့ ပြောကြားယင်းနိဂုံးချုပ်အပ်တေ။

====

Share on Google Plus

About Kyauk Phru Net

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 comments:

Post a Comment

မှတ်ချက်တွေကို ဖော်ပြရန် ခဏလေးစောင့်ကြပါ။