အမည်မဖေါ်လိုသူ တစ်ဦးက “ အားလုံးသူကိုတော့ သူတို့က သေသေချာချာ စစ်ဆေးမေးမြန်းပါတယ်။ မနေ့ကတော့ ပီးသွားခဲ့ပြီ ဖြစ်ပါတယ်။ ကျွန်တော်သိရသလောက်တော့ ယူအန်က အရာရှိတွေ ကျွန်တော်တို့ရဲ့ ရဲဘော်ရဲဘက်တွေ အကုန်လုံးကို မနေ့က ခေါ်တွေ့ပါတယ်။ သူတို့ အနေနဲ့ အတတ်နိုင်ဆုံး ကြိုးစားဆောင်ရွက်ပေးမယ်။ ဆုံးဖြတ်မှာကတော့ အထက်က အရာရှိတွေ ဖြစ်တယ်လို့ ပြောဆိုသွားတယ်လို့ သိရပါတယ်” ဟု ပြောသည်။
ယခု စစ်ဆေးမူအား ယူအန် အထက်အရာရှိများမှ ဆုံးဖြတ်မည် ဖြစ်ပြီး ဒုက္ခသည် အဖြစ်အသိအမှတ် ပြုမပြုနှင့် တဦးချင်းစီ၏ အလားအလာကို စစ်ဆေးရမည်မှာ တစ်လမှ သုံးလထိ ကြာမြင့်နိုင်သည်ဟု လေ့လာ သုံးသပ်သူများက ပြောသည်။
“ အခုလို ထောင်တွင်းကို လာရောက် စစ်ဆေးခွင့်ကို အိန္ဒိယ အစိုးရက ခွင့်ပြုတယ်။ ယူအန်ဘက်ကလည်း စိတ်ရှည် လက်ရှည်နဲ့ လာရောက် စစ်ဆေးတာတွေ လုပ်ပေးတယ်ဆိုတော့ အခြေအနေက အကောင်းဘက်မှာ ရှိနေပါတယ်။ ပီးရင် သူတို့ကို ဘေးမသီ ရန်မခဘဲ လွှတ်ပေးနိုင်တဲ့ နည်းလမ်းကလည်း ဒီတစ်ခုဘဲ ရှိတယ်ဆိုတော့ အားလုံးအတွက် အကောင်းဆုံး နည်းလမ်း ဖြစ်ပါတယ်။ အခုက အချိန်လည်း လွန်လာပြီ။ ထောင်ဒဏ်လည်း ကျခံပြီးပြီ။ ငွေလည်း လျော်ပေးပြီးပီဆိုတော့ သူတို့ကို လွှတ်ပေးလိုက်တာ အကောင်း ဆုံးပါဘဲ” ဟု သူက ပြောသည်။
ရခိုင်နှင့် ကရင် ၃၄ ဦးအား ကာလကတ္တား တရားရုံးမှ ဇူလိူင်လ ၁၂ ရက်နေ့က နိုင်ငံခြားသားမူ ပုဒ်မ (၁၄) ဖြင့် ထောင် ၁ နှစ် ၃လနှင့် ဒဏ်ငွေ ရူပီ ၂၀၀၀၊ ပေါက်ကွဲ စေတတ်သော လက်နက် ခဲယမ်းမီးကျောက်များ ပိုင်ဆိုင်မူ ပုဒ်မ ၅ (ဘီ) ဖြင့် ထောင် ၁ နှစ် သုံးလနှင့် ဒဏ်ငွေ ၂၀၀၀၊ တခြား လက်နက်မူ ပုဒ်မ ၂၅ (ဘီ)ဖြင့် ထောင်ဒဏ် ၆ လနှင့် ဒဏ်ငွေ ၂၀၀၀၊ စုစုပေါင်း ထောင်ဒဏ် ၃ နှစ်နှင့် ဒဏ်ငွေ ၆၀၀၀ စီ ပြစ်ဒဏ်ချမှတ်ခဲ့သည်။
ယခုအခါ ရခိုင်နှင့် ကရင် အမျိုးသား လွတ်လပ်ရေး သမား ၃၄ ဦး အနေဖြင့် တဦးလျှင် ပေးဆောင်ကျန်ရှိနေသော ဒဏ်ငွေ ၆၀၀၀ အားလည်း ပေးဆောင်ပြီး ဖြစ်သဖြင့် အမူမှကွင်းလုံးကျွတ် လွှတ်မြောက်ခဲ့ပြီ ဖြစ်သည်။
ရခိုင်နှင့်ကရင် ၃၄ ဦးမှာ ၁၉၉၈ ခုနှစ်က ဖေဖေါ်ဝါရီလ အတွင်းက အိန္ဒိယ စစ်တပ်နှင့် သဘောတူညီမူအရ အိန္ဒိယ ပင်လယ်ပြင် အတွင်း တည်ရှိသော ကျွန်းငယ် တစ်ခုအတွင်း ရေတပ် အခြေစိုက် စခန်း တည်ဆောက်ရန် ဗိုလ်ရာဇာနှင့် အတူ လာရောက်စဉ် ဖမ်းဆီးထိန်းသိမ်းခံခဲ့ရသူများ ဖြစ်ကြသည်။
ဖမ်းဆီးခံရပြီး တရက်အကြာ ဖေဖေါ်ဝါရီလ ၁၁ ရက်နေ့တွင် အိန္ဒိယ စစ်တပ်မှ ဗိုလ်ရာဇာနှင့် ခေါင်းဆောင် ၆ ဦးအား သွေးအေးအေးဖြင့် လုပ်ကြံသတ်ဖြတ်ပြီးနောက် ကျန်သူများကို လက်နက်မှောင်ခိုမူနှင့် တရားစွဲဆိုပြီး ယခုအချိန်ထိ ဖမ်းဆီး ထိန်းသိမ်းထားသည်။
................
Sources: Narinjara
0 comments:
Post a Comment
မှတ်ချက်တွေကို ဖော်ပြရန် ခဏလေးစောင့်ကြပါ။